حان ءتاڭىردىڭ مۇزبالاعى-مۇقاعالي!
مۇقاعالي-قازاقتىڭ ماندايىنا بىتكەن جارىق جۇلدىزى،ءبىرتۋار تۇلعاسى. مۇقاعالي اتامىزدىڭ ەڭ قۇدىرەتى-جۇرەكتەن شىققان ءسوز عانا جۇرەكتەردى قوزعايدى،ويلاڭتادى. ءاربىر جازعان ولەڭدەرى مەن پوەمالارى باسقا اقىندارعا مۇلدەم ۇقسامايتىن سۇلۋ،ءسوز جەتپەس تۇلعانىڭ دالەلى. مۇقاعاليدىڭ ءىنجۋ-مارجاندارىن وقي وتىرىپ جۇرەگىمە كوپ نارسەنى ءتۇيدىم.ادامنىڭ بويىنداعى كەم تۇستارى جايلى پوەزياسىندا تولىق تۇسىنگەندەيمىن.
مەنىڭشە،مۇقاعالي شىعارمالارىن ءتۇسىنىپ وقىعان قاراپايىم ادامزات ءوزىنىڭ تۇسىنىگى،كىسىلىگى،ادامگەرشىلىگى،الىستان اڭعارىلىپ تۇرادى.
مەن ۇلى اقىننان جاڭاشىلدىققا ۇمتىلۋدى،وزىڭە سەنۋدى،ەڭبەككە ادالدىقتى، ەڭ باستىسى ادامگەرشىلىك ادالدىقتى، ۇلى قاسيەتتى ساقتاۋ-بارىنەن دە جوعارى ەكەنىن ۇقتىم.
جۇمىر جەردە مەكەندەگەن حالىقتاردىڭ قاي-قايسىسىنىڭ دا عاسىرلار بويى سۇرىپتالىپ،ءىنجۋ مارجانداي استارلى دا اسىل، ۇلاعاتتى شەشەندىك،دانالىق سوزدەرىنىڭ مول ەكەنى ءمالىم.ءتىل بايلىعىنىڭ التىن قورىنان سانالاتىن وسىناۋ عيبراتتى سوزدەر ءومىر شىندىعىن،حالىقتىڭ تۇرمىس تىرشىلىگىن،پسيحولوگياسىن،قوعامدىق پروگرەسىن تايعا تاڭبا باسقانداي ءدال دە شەبەر،ءماندى ەتىپ بەينەلەۋىمەن دە،سوزدىك قۇندىلىعىمەندە ەرەكشەلەنگەن- تاعى دا،مۇقاعالي ماقاتايەۆ بولاتىن!
«مۇقاعالي ماقاتايەۆ-ادامدار اراسىنداعى،ومىردەگى،تابيعاتتاعى جاراستىق پەن كەلىسىمنىڭ جىرشىسى. ونىڭ...ولەڭدەرى شىن تەبىرەنىستەرىن،شىن تابيعاتتان،شىن كۇيزەلىس پەن شىن قۋانىشتان،شىن ساعىنىشتان تۋعان»-دەپ اقىن جايلى شىنايى پىكىر بىلدىرگەن ەكەن ءابىش كەكىلبايەۆ!
سىرقاتتانعان ۋاقىتتا مۇقاعالي بابامنىڭ پوەزياسىن تەبىرەنىپ وقيتىنمىن! سونداعى ادام بالاسىن سابىرعا شاقىراتىن كەرەمەت تۋىندىلاردى وقىسام جۇرەگىمە داۋا تاپقان كۇيدە بولامىن. مۇقاعاليشا جىرلاعان، ءسوز ساپتاۋى ەرەكشە اسەر قالدىرعان گاۋھار كوپجاسار قىزىنىڭ مىنا ءبىر ولەڭ جولدارى ءتانىمدى قۋاتتادى.
جابىعىپ كەيدە، ومىردەن مىناۋ تۇڭىلسەم،
ورنىمنان تۇرىپ، شالىنىپ قايتا سۇرىنسەم.
كىنالاپ مەنى، سىن ارتپا ماعان، وتىنەم،
ىشىمدە جاتقان بىلمەيسىڭ سىردىڭ ءبىرىن سەن.
شارىقتاپ بارىپ، قالىقتاپ قايتا قۇلاسام،
تاعدىرعا نالىپ، سول ءبىر ءسات تاعى جىلاسام.
جاسىق ەكەن دەپ جازعىرا كورمە، وتىنەم،
سەبەبىن ايتام، وزىمنەن كەلىپ سۇراساڭ.
قامىعىپ كەيدە، توماعا تۇيىق بوپ قالسام،
ويىممەن سول ءسات الىسىپ جۇرەم اق سارساڭ.
جاقتىرماي ءجۇر دەپ ءمىن ارتپا ماعان تاعى دا،
بىلەرسىڭ جايدى، سىرىمدى مەنىڭ اقتارساڭ.
وسىلاي ايتسام، سوزىمە قۇلاق تۇرەرسىڭ،
قولدارسىڭ، الدە تۇسىنبەي سىرتتاي كۇلەرسىڭ.
جانىمدى مەنىڭ جۇرەكپەن مەندەي سەزىنىپ،
مەن بولىپ ءومىر سۇرە الساڭ عانا بىلەرسىڭ...
ۇلى مۇقاعاليدىڭ شىعارماشىلىعى-حالقىمىزدىڭ عاسىرلار بويعى رۋحاني ازىعى ەكەنى ايقىن دالەل.
مەنىڭ بولاشاقتاعى ارمانىم مەن قيالىم بار. مۇقاعاليداي اقىن بولا الماسام دا،قاراپايىم قالامگەر بولامىن، ءتىس قاقتىرعان تانىمال جۋرناليست بولامىن، اباي ايتپاقشى دانالارىمداي بولماسام دا،ۇقساپ باققىم كەلەدى...
مەن ناعىز قازاق دەپ مۇقاعالي اتامدى ايتار ەدىم. ەندەشە،مەنىڭ قىمباتتى دوستارىم جانىڭنىڭ جايساڭ بولىپ قالىپتاسۋىن قالاساڭ،مۇقاعاليدى ءۇڭىلىپ وقى،ۇزدىگىپ وقى. ونىڭ ءار سوزىڭە ۇلى قازاق بولۋدىڭ ۇلكەن ساياساتى بارىن ۇعىن. ويتكەنى،سەن،مەن-الاشتىڭ ۇرپاعىمىز!!!
مەن تەكتى ەلدىڭ، قازاقتىڭ قىزىمىن!! ءارقاشان، قازاقتان شىققان ۇلى تۇلعالارمەن ماقتانامىن،مارقايامىن!!!
يگەنوۆا زارينا
You Might Also Like
-
ەرتە مە، كەش پە، ءاربىر اتا-انانى «بالانى قاي ۇيىرمەگە بەرۋ كەرەك» دەگەن سۇراق مازالايتىنى انىق. ەگەر بالاڭىزدىڭ سپورتپەن اينالىسۋىن قالاعان بولساڭىز، ەڭ الدىمەن ونىڭ باعىتىن انىقتاپ الۋ...
-
الماتى وبلىسى كوكسۋ اۋدانى ج.ەگىنبايەۆ اتىنداعى ورتا مەكتەپ قازاق ءتىلى مەن ادەبيەت ءپانىنىڭ ءمۇعالىمى ۋتەنوۆا ايتكۋل
