InfoHub Logo

Xiaomi جاڭا Mi5 فلاگمانىن ۇسىندى دا، باسقا سمارتفونداردىڭ جارناماسىن ءبىر سەرمەپ جوق قىلدى. قازىرگى تاڭدا مۇمكىندىگى مول، ساپاسى جاقسى، باعاسى ارزان سمارتفون وسى بولىپ وتىر.

بارسەلونادا وتكەن MWC 2016 كورمەسىندە Xiaomi جاڭا فلاگمان ءونىمىن — كوپتەن كۇتىلگەن Xiaomi Mi5 سمارتفونىن تانىستىردى. وسى جولى كومپانيا LG مەنSamsung-تىڭ الدىن وراپ كەتكەنىمەن قويماي، وز-وزىنەن دە ارتىق تۇسكەن سياقتى. ساپاسى مەن باعاسى قاتىناسى جونىنەن – ونىمدىلىگى مەن قۇراستىرۋ ساپاسىن ايتار بولساق - Mi5-كە باسەكەلەس بولار سمارتفون ءالى جوق، جاقىن ارادا پايدا بولا قويۋى دا ەكىتالاي.

جاڭا سمارتفوننىڭ 5،15-ديۋيم جانە جارقىندىعى 600 نيت Full HD ديپسلەيى بار. مۇنداي دياگونال 5.5 ديۋيمعا قاراعاندا ىڭعايلىراق ەكەنىن ايتا كەتۋ كەرەك. ەكرانى ولەوفوب جابىندى اينەكپەن قورعالعان. ەڭ جاعىمدى جاڭالىق - Mi5-تە Adreno 530 گرافيكالىق شاپشاڭداتقىشى بار ەڭ جاڭا Snapdragon 820 پروسەسسورى (1،8 جانە 2،15 گگس جيىلىكتى نۇسقالارى بار) قولدانىلعان: بۇل كريستالل «تاس» الدىڭعىدا 810 ءنومىرلى شەشىمگە قاراعاندا 100% شاپشاڭىراق.

سونىمەن قاتار، جاڭا سمارتفوندا LPDDR4 جاد ورناتىلعان، بۇل سمارتفونداردا بۇرىن قولدانىلىپ كەلگەن LPDDR3 قاراعاندا جاد ونىمدىلىگىن 100% ارتتىرادى. ءقازىر Xiaomi Mi5 سمارتفونىنىڭ ءۇش نۇسقاسى شىقتى دەپ جاريالاندى. بازالىق نۇسقا 3 گب جەدەل جانە 32 گب  تۇراقتى جادپەن جابدىقتالعان، ورتا باعاداعىسىنداعى – سايكەسىنشە — 4 گب جانە 64 گب. وزىق ۇلگىسىندە 4 گب جانە 128 گب جاد ورناتىلعان. ايتقانداي، مۇنداعى فلەش-جاد تا قالىپتان تىس: جاڭا Xiaomiسمارتفونىندا دەرەكتەر جەتكىزۋ جىلدامدىعى 450 مب/س UFS 2.0 مودۋلدەر پايدالانىلعان. جاڭا ستاندارت سمارتفونداردىڭ كوپشىلىگىندە قولدانىلاتىن eMMC 5.0 ستاندارتىنان 87% شاپشاڭىراق.

جاڭا قۇرىلعىنىڭ ىشكى قۇرىلىسىنىڭ مىقتىلىعى قازىرگى قولدانىستاعى كەز كەلگەن سمارتفونمەن باستەسە الادى. مىسالى، Mi5 نەگىزگى كامەراسى فازالىق اۆتوفوكۋسى جانە سۋرەتتى تۇراقتاندىرعىشى بار  16-مەگاپيكسەلدى Sony IMX298 مودۋلىمەن جاساقتالعان. الدىڭعى كامەرادا 4-مەگاپيكسەلدى مودۋل قولدانىلعان. 3 000 ما·س ەسەپتەلگەن اككۋمۋلياتورى  Quick Charge 3.0 جىلدام قۋاتتانۋ تەحنولوگياسىنا سايكەس كەلەدى.

ديزاين جانە قولدانۋ ىڭعايلىلىعى جاعىنان دا Xiaomi الدا كەلەدى: اپپاراتتىڭ «باستى ەكرانعا» قايتۋ باتىرماسىنا ساۋساق تاڭباسىن سكانەرلەيتىن قۇرىلعى ورناتىلعان. سمارتفوننىڭ الدى دا، ارتى دا اينەكپەن قورعالعان. قاڭقاسى مەتالدان جاسالعان. كوز ۇيرەنگەن  microUSB ورنىنا جاڭا قۇرىلعىنىڭ نەگىزگى ءارى جالعىز سىمدى ينتەرفەيسى – USB Type-C پورتى.ءقازىر تانىمالدىعى ازايعان، سوندا دا قاجەتتىلىگى كەمىمەگەن NFC-مودۋل دە ورناتىلعان. ال سىمسىز ينتەرفەيستەر تولىق قۇرامدا كىرىكتىرىلگەن: سمارتفون دەرەكتەر جەتكىزۋ جىلدامدىعى 600 مبيت/س جەتەتىن 4G LTE-A جاڭا ستاندارتىن جانە VoLTE داۋىس تەلەفونياسىن قولدايدى. 

كومپانيا سمارتفوندى ءۇش ءتۇرلى تۇستە شىعارۋدى جوسپارلاپ وتىر: اق، قارا جانە التىن تۇستەس. التىن تۇستەس نۇسقاسىنىڭ ارتقى قاقپاعىندا ەكسكليۋزيۆ تەكستۋرا بولادى. Xiaomi Mi5 ولشەمدەرى وتە ىڭعايلى: 144،55 × 69،2 × 7،25 مم (قالىپتان تىس ەكران دياگونالى دە وسى ءۇشىن جاسالعان)، ال سالماعى بار-جوعى 129 گرامم. ءوندىرۋشىنىڭ دەرەكتەرىنە سۇيەنسەك، وسى كەرەمەت Antutu-دا 140 مىڭ توتىقۇس جيناپ، نارىقتا ءسوزسىز كوش باستار كەلەدى.

وسى كورسەتكىشتەرىنە شاققاندا، گادجەتتىڭ باعاسى كۇلكىلى كورىنەدى (شىن مانىندە تىم جاقسى باعا). پروسەسسور جيىلىگى 1،8 گگس، جەدەل جادى 3 گب، ال تۇراقتى جادى 32 گب نۇسقاسى جۇڭگو نارىعىندا 300 دوللار تۇرادى. وعان قاراعاندا قۋاتتىراق، جەدەل جادى ءدال سونداي، ال پروسەسسور جيىلىگى 2،15 گگسجانە تۇراقتى جادى 64 گب نۇسقاسى 50 دوللارعا قىمباتىراق. ارتقى قاقپاعى كەراميكادان جاسالعان، جيىلىگى 2،15 گگس، جەدەل جادى 4 گب دەيىن ۇلعايتىلعان، ىشكى دەرەك ساقتاعىشى 128 گب وزىق نۇسقاسىنىڭ باعاسى – شامامەن 415 دوللار.

مۇنداي ناتيجەمەن جاڭا سمارتفون ەتالون iPhone 6-مەن باسەكەلەسە الادى. ايتەۋىر، Antutu تەستەرى، باعاسى جانە كامەراسىنا جۇرگىزىلگەن تەستتەر قىتايدا شىققان سمارتفوننىڭ بار جاعىنان باسىم تۇسەتىنىن كورسەتىپ وتىر. Xiaomi ءوز ەلىنەن شىققان باسەكەلەسى — Meizu Pro5 سمارتفونىن دا — تەستتەر بويىنشا دا، ىشكى قۇرىلىسى بويىنشا دا (ەڭ الدىمەن، كامەراسىنىڭ وپتيكالىق تۇراقتاندىرعىشىمەن جانە نەداۋىر قۋاتتى پروسەسسورىمەن) باسىپ وزدى.

Samsung S7 جانە LG جاڭا فلاگمانىمەن سالىستىرۋدى بۇل ماقالادان تىس قالدىرعىمىز كەلەدى. وقىرمانداردىڭ دا پىكىرىن تىڭداساق دەيمىز. قايسى جەڭەدى دەپ ويلايسىزدار؟

---