ەل بولام دەسەڭ ەكرانىڭدى تۇزە!
كۇندەلىكتى كۇيبەڭ تىرشىلىكتەن ءبىر ساتكە بولسىن جەڭىلدەۋ ماقساتىندا كوپشىلىگىمىز كوك جاشىكتىڭ كورىنە قامالىپ قالاتىنىمىز بار.ءتۇرلى قىزىقتى باعدارلامالار مەن تەلەسەريالداردى كورگەندە ۋاقىتتىڭ قالاي زىمىراپ وتكەنىن دە اڭعارماي قالاسىڭ.قۇددى ەسىرتكىگە تاۋەلدى ادام قۇساپ،تەلەديدارعا قالاي تاۋەلدى بولىپ قالعانىمىزدى وزىمىزدە بىلمەي جاتامىز.ءيا،قىزىعى قىزىق شىعار.ايتسە دە،تەلەديدار جاڭالىقتىڭ جارشىسى ەكەندىگىن ەستەن شىعارماعاندىعىمىز ابزال.دۇكەننەن وزىمىزگە كەرەك زاتتى العان سەكىلدى،كوك جاشىكتىڭ تەك پايدالى جاعىن عانا الۋىمىز قاجەت.ايتپەسە،قايداعى جوق جارنامالار مەن پايداسىنان زيانى كوپ باعدارلامالار زىعىردانىڭدى قايناتادى.بۇگىندە تەلەديدار بۇكىل الەمنىڭ،بۇكىل ادامزاتتىڭ كۇندەلىكتى ءبىر بولىگىنە اينالدى.كىشكەنتاي بالاقايلاردان،ەڭكەيگەن قارتقا دەيىن تەلەديداردان كوز الماي قاجەتىن تاۋىپ،تاماشالايدى.ءاربىر ءۇيدىڭ تورىنەن ويىپ تۇرىپ ورىن الاتىن كوگىلدىر ەكراننىڭ بەينەسى جارق-جۇرق ەتكەن ساۋلەلەرىمەن ءدۇيىم جۇرتتى قىزىقتىرارى انىق.ءبىراق،سول قىزىققا (قۇمار ويىنعا قۇمارتقان اعالارىمىز سەكىلدى) ايتەۋىر الىپ-ۇشىپ قۇمارتامىزدا تۇرامىز.ول نە پالەكەت دەسەڭشى!؟
تەلەديدار جان ازىقتىڭ تۇپكى قازىعى. ۇلت بولىپ ۇيىسقان ساتتەن،ۇلتتىق رۋحتى بويىمىزعا دارىپتەۋدىڭ ورىنا قاشىرتىپ جاتقانداي سىڭايلى. ايتەۋىر كوگىلدىر ەكراننىڭ جىلتىراعىنا سانامىزدى ۋلاتىپ،ۇلتتىق ادەت-عۇرىپىمىزدان ايىرىلىپ قالماساق ەكەن دەيمىن.
ءقازىر قاي كانالدى اشساڭدا ەكىنىڭ ءبىرى ءۇندى مەن تۇرىكتىڭ تەلەحيكايالارىنا لىق تولى.سونداعى بەرەر تاربيەسى ماحابباتتان باز كەشكەن عاشىقتاردىڭ قايعىلى وقيعالارى.ال،جارنامالاردى ايتساڭ تىپتەن ۇيات.كىرەرگە تەسىك تاپپاي قالاسىڭ كەي كەزدەرى.قايداعى جوق بولماشى زاتتارعا شەيىن ماقتاۋىن اسىرىپ،جامانىن جاسىرىپ جارنامالايدى.ۇلى سوزدە ۇيات جوق دەمەكشى،ەركەكتىڭ جاعاسىنا جارماسقان قىزدار مەن جارتىلاي جالاڭاشتانعان سىلقىمداردىڭ قۇيتىرقى ارەكەتتەرى قانىڭدى قارايتادى.ەرىككەنننىڭ ەرمەگىنە اينالعان شوۋ-باعدارلامالار سانى دا از ەمەس.ماسەلەن، «ەۆرازيا» ارناسىنداعى «قالاۋلىم» باعدارلاماسىنا كۇنىگە اق يت كىرىپ،كوك يت شىعادى.جالعىزدىقتان جابىرقاعان جۇرەكتەردى،قالاۋلىسىمەن قاۋىشتىرامىز دەيتىن بۇل جوبا ابدەن جۇيكەنى قارايتىپ ءبىتتى.ءوز جۇبىن ومىردەن ىزدەۋدىڭ ورنىنا كوپتىڭ الدىندا مازاق بولعان قاتىسۋشىلارعا ءتىسىڭدى قايرايسىڭ.سونداعى كورەرمەندەرگە بەرەر تاربيەسى قانداي؟ۇلكەنگە-قۇرمەت،كىشىگە-ىزەت تانىتپاي،ارازداستىرۋعا باۋلۋ ما؟الدە،ورىمدەي جاس كەزىنەن بولاشاق جار ىزدەۋگە ۇيرەتۋ مە؟نەدە بولسا بەرەر تالىم-تاربيەسى جوق،ار-ۇياتتى اياققا تاپتايتىن شوۋ بۇل!مۇنداي شوۋلار تەك «قالاۋلىم» باعدارلاماسىمەن شەكتەلىپ قانا قويمايدى.ولار كوزگە كورىنبەيتىن ميكروبتار ءتارىزدى وتە كوپ.وسىنداي ءمان-ماعىناسى جوق كينو مەن ءتۇرلى باعدارلامالاردان وسكەلەڭ ۇرپاعىمىز قانداي ونەگە الماق!؟ وسى باستان بالا تاربيەسىندە ورەسكەل كينو مەن باعدارلامالارعا تىيىم سالىپ،ساليقالى ۇرپاق تاربيەلەۋ جولىندا تىنىمسىز ەڭبەك ەتىپ،جاقسىلىققا باۋليىق.وسى ماقالامدى قورىتىندىلاي كەلە ايتارىم: «ەل بولام دەسەك،ەكرانىمىزدى تۇزەيىك!»
You Might Also Like
-
بيىل قىس ەرتە ءتۇسىپ، قالادا جەكە جۇمىس بەرۋشىلەردە، كىمدەرگە بۇيىراتىنى بەلگىسىز كوپقاباتتى سانسىز ۇيلەردىڭ كىرپىشىن قالاپ، وتباسىن اسىراپ جۇرگەن مۇقىش جۇمىسسىز قالدى. اۋىلداعى بەس بالاسىنا الاتىن ...
-
سامەن وزىنە الدەكىم سىيعا تارتقان كىتاپتى قولىنا الىپ، سامارقاۋ كوز سالىپ وتىر. كەنەت كوزى «حرۋششيەۆتى تاقىرعا وتىرعىزعان» دەگەن تاقىرىپقا تۇسە كەتكەنى.
