InfoHub Logo

اراب تىلىندە «يسلام» ءسوزى بويسۇنۋ، باعىنۋ، مويىنداۋ ماعىناسىن بىلدىرەدى. شاريعاتتا بۇل ءسوز «اللاعا تەك وعان عانا عيبادات ەتىپ باعىنۋ، بۇيرىقتارىن ورىنداۋ ارقىلى بويسۇنۋ جانە كوپقۇدايشىلىقتان ارىلىپ، ونىڭ جاقتاستارىنا قارسى بولۋ»

العاشقى ادام بالاسى بولعان حازىرەتى ادام (ع.س.) – العاشقى پايعامبار، ادامزاتتىڭ العاشقى ءدىنى – حاق ءدىن. حازىرەتى ادامنان حازىرەتى يساعا (ع.س.) دەيىن كەلگەن بارلىق پايعامبارلار ادامدارعا اللانىڭ ءبىر ەكەندىگىن بايانداعان جانە اللاعا كالاي عيبادات ەتىلەتىندىگىن ۇيرەتكەن. ءبىراق بۇل پايعامبارلار جەتكىزگەن يمان نەگىزدەرى جانە ءدىني قاعيدالار ۋاقىت وتكەن سايىن بۇرمالانىپ، ءتۇپنۇسقالارى جويىلعان.وسىعان بايلانىستى ۇلى اللا سوڭعى پايعامبار حازىرەتى مۇحاممەد (س.ع.س.) ارقىلى بۇكىل ادامزاتقا سوڭعى جانە ەڭ تاماشا يسلام ءدىنىن جىبەرگەن. قازىرگى تاڭدا دۇنيە جۇزىندەگى شىنايى اقيقات ءدىن – يسلام ءدىنى. باتىل جانە مۋحارراف دىندەردىڭ اللا الدىندا ەشقانداي قۇنى جوق. اللا الدىندا قابىلداناتىن تەك يسلام ءدىنى.بۇل شىندىق ۇلى اللا تاراپىنان قۇران كارىمدە بىلاي بىلدىرىلگەن: «اللا قۇزىرىنداعى ءدىن تەك يسلام عانا» («ءال-يمران» سۇرەسى، 19-ايات)؛ «كىمدە-كىم يسلامنان باسقا ءدىن ىزدەسە، استە ودان قابىل ەتىلمەيدى دە، اقىرەتتە زيانعا ۇشىراۋشىلاردان بولادى» («ءال-يمران» سۇرەسى، 85-ايات).اللا تاعالا قۇران كارىمدە بىلاي باياندايدى: «ادامداردىڭ قولەكى ىستەگەندەرىنىڭ كەيبىرىنىڭ سازايىن تاتىرۋ ءۇشىن قۇرىلىقتا ءارى تەڭىزدە بۇزىقتىق شىقتى. مۇمكىن ولار، باعىتتارىنان قايتار» («رۋم» سۇرەسى، 41-ايات). بۇعان قاراعاندا قۇلشىلىقپەن باعىنۋدان، ياعني يسلامنان الىستاۋ قۇرلىقتاعى جانە تەڭىزدەگى ءتارتىپ پەن سايكەستىكتىڭ بۇزىلۋىنا سەبەپ بولادى. ءار پايدا بولاتىن اپات سياقتى وقيعالار كۇناھارلارعا بۇل دۇنيەگە قاراستى ازعانتاي ءبىر جازا رەتىندە بەرىلىپ، ولاردىڭ كايتادان يسلامعا ورالۋلا-رىن كامتاماسىز ەتەتىن ەسكەرتۋ كورىنىستەرىنە تولى.پايعامبارىمىز مۇحاممەد (س.ع.س.) ءبىر سوزىندە بىلاي دەيدى: «بەيكۇنا ءبىر ادامدى ءولتىرۋ – كۇللى ادامزاتتى ولتىرۋمەن تەڭ». مۇنداي قاعيدا قاسيەتتى قۇراندا دا كورسەتىلگەن. ولاي بولسا، سوڭعى ۋاقىتتارى ءجيى ورىن الىپ جاتكان لاڭكەستىك ارەكەتتەر، قانشاما بەيكۇنا جاندى قىر-شىنىنان قيۋ – يسلامعا، قۇرانعا، مۇسىلمانشىلىققا جاتا ما؟ كەرەك دەسەڭىز ادام ءولتىرۋ بىلاي تۇرسىن، مالدى قيناۋدىڭ ءوزى يسلامعا تەرىس.

الەمدە بولىپ جاتقان تەررورلىق ارەكەتتەر مەن يسلامنىڭ ەشقانداي بايلانىسى جوق. يسلام ءدىنى – جەر بەتىندە بەيبىتشىلىك پەن تىنىشتىقتى ورناتۋ ءۇشىن جىبەرىلگەن سوڭعى ءدىن. يسلام بەيبىتشىلىكتى ۋاعىزدايتىن ءدىن بولسا، مۇسىلمان بالاسى سول بەيبىتشىلىكتى ءوزىنىڭ سويلەۋىمەن، وزگەلەرمەن قارىم-قاتىناسىمەن، قىسقاسى ءاربىر ىس-ارەكەتىمەن ىس-جۇزىندە كورسەتۋشى تۇلعا بولماق.بەلىنە بومبا بايلاپ، وزگەلەردىڭ جانىن قيۋ ءۇشىن وزىنە دە قول جۇمساعان جانكەشتىلەر وزدەرىن «شەيىتپىز» دەپ ەسەپتەيدى. شەيىتتىك مارتەبە بەيكۇنا جانداردى ولتىرۋمەن كەلەتىن «وڭاي» نارسە ەمەس.يسلامدا ماقسات كانداي تازا بولسا، وعان اپاراتىن جولدار دا سونداي تازا بولۋى ءتيىس. تەررورلىق ارەكەتتەر ارقىلى ەشبىر ماسەلە قازىرگە دەيىن شەشىلمەگەن. ءارى بۇدان كەيىن دە تەررورلىق ىس-ارەكەتپەن ماسەلە شەشىلمەيدى. بارلىق لاڭكەستىك ارەكەتتەر يسلام ءۇشىن جاسالعان كۇرەس ەمەس، كەرىسىنشە يسلامعا قارسى باعىتتالعان كۇرەس.كەيىنگى كەزدە يسلام مەن تەرروريزمنىڭ بىرگە ايتىلۋى – تىرناق استىنان كىر ىزدەيتىن يسلام دۇشپاندارى ءۇشىن تاپتىرمايتىن ولجا بولدى. سوندىقتان قانداي جاعدايعا دۋشار بولسا دا، يسلامنىڭ، مۇسىلمانشىلىقتىڭ اتىنا كىر كەلتىرەتىن لاڭكەستىك ارەكەتتەردەن مۇسىلماندار اۋلاق بولۋى كەرەك. سەبەبى بەلگىلى ءبىر جاعدايلار، داعدارىستار مەن ساياسي ويىندار كۇندە وزگەرەدى.

بورباسوۆا قارلىعىش

---