InfoHub Logo

1 Qyrkúıek - Bilim kúni (Bastaýysh synyptaryna arnalǵan)
Alǵashqy qońyraý
1. Oqýshylardy sapqa turǵyzý
2. Qonaqtardyń ornalasýy
3. Qazaqstan Respýblıkasynyń Memlekettik týyn shyǵarý.
4. Saltanatty jıyndy ashý, mektep dırektoryna sóz berý
5. Ánuran shyrqalady.
6. Quttyqtaý sóz (qonaq, ata - ana, ustaz)
7. Án joldanady.
8. 1 - synyp oqýshylarynyń ádebı montajy
9. Saltanatty jıynnyń jabylýy.
10. Qazaqstan Respýblıkasynyń Memlekettik týyn shyǵarý
11. Alǵashqy qońyraý qaǵylady.
12. Saltanatty jıyndy jabý úshin mektep dırektoryna sóz beriledi.
13. Saltanatty jıyn 1 - synyp oqýshylarynyń alǵashqy sabaqtarymen jalǵasady.

(Áýen oınalyp turady)
I júrgizýshi:
Qaıyrly kún, qurmetti ustazdar men qadirmendi ata - analar!
İİ júrgizýshi:
Arma aǵaıyn, mektep oqýshylary men balaýsa baldyrǵandar!
İ júrgizýshi:
Jańa oqý jylyna qadam basarda ótken oqý jylynda bolǵan oqıǵalarǵa da sholý jasap ótkenimiz abzal. Qazaqstan Respýblıkasy táýelsizdiginiń.... jyldyǵy qarsańynda el rámizderiniń ----- jyldyǵy........
İİ júrgizýshi:
Al endeshe barlyǵymyz da saǵynyshpen kútken “Sálem saǵan súıikti, altyn uıa mektebim!”atty bilim kúnine arnalǵan merekelik sharamyzdy ashyq dep jarıalaımyz.
İ júrgizýshi:
Jáne bıylǵy elimizdiń dańqyn asqaqtatqan oqıǵalar kóp boldy
Shýaqty qyrkúıek aıynyń alǵashqy kúni barsha oqýshy qaýym altyn uıa mektebine qaıta oralyp, mektep tabaldyryǵyn alǵash attaǵan baldyrǵandarmen birge syńǵyrlaǵan qońyraý únimen tabysyp otyr.
Qurmetti ustazdar, qonaqtar, ata - analar, aıaýly oqýshylar! Búgingi saǵynyshqa, shattyqqa toly «Alǵashqy qońyraý» merekelerińiz barshalaryńyzǵa qutty bolsyn!

İİ júrgizýshi:
Sonyń biri alty qurlyqqa qazaqtyń atyn shyǵarǵan, qazaqtyń saıypqyran ul - qyzdary jeńistiń bıik tuǵyrynan kóringen qorjynǵa 7 altyn, 1 kúmis 5 qola salǵan, jalpy esepte 209 eldiń ishinde 12 orynǵa turaqtaǵan baıraqty báseke HHH jazǵy London olımpıadasy. London tórinde qazaqtyń ánurany qalyqtap, týy bıikten kórindi.

İ júrgizýshi:
Kók týdyń jelbiregeni
Janyma qýat beredi,
Talasqa tússe jan men tý
Jan emes maǵan keregi
Kók týdyń jelbiregeni –
Qazaqstan Respýblıkasynyń Memlekettik Týy resmı túrde engizilsin.
(Týdy engizý rásimi)
Barlyǵy: «Qazaqstan Respýblıkasynyń memlekettik ánuranyn oryndaıdy.

İI júrgizýshi:
Búgin bizdiń qýanyshymyzǵa ortaqtasý úshin merekemizge kelgen qurmetti qonaqtarmen tanys bolyńyzdar:
1. ------------ -
2. -------------------
3. ------------------- qalalyq oqý bóliminiń bas mamany

İ júrgizýshi:
Jan shýaǵy, kún shýaǵy araı ma,
Ustaz degen áýlıedeı talaıǵa
Basyn ıip ótken joq pa biz túgil,
Ál - Farabı, Omar Haıam, Abaı da.

İI júrgizýshi:
«Sálem saǵan súıikti, altyn uıa mektebim!» merekesin saltanatty túrde ashý úshin alǵashqy sóz kezegi mektep dırektory --------------------- beriledi.

İ júrgizýshi
Qushaq jaıa qaı jerde de qarsy alar,
Abzal jan bar, bıik tulǵa baısaldy.
Qýanysh pen saltanatty shaqtarda
Qonaqtar da aq tilegin aqtarar.
Sóz kezegi qadirmendi qonaqtarda.
( qonaqtarǵa sóz beriledi)
Sizderdiń qurmetterińizge, aq tilekterińizge arnap 2 a synyp oqýshysy -------------- «Bala tilegi» ánin joldaıdy, qabyl alyńyzdar.

II Júrgizýshi sózi:
Ómirdiń beıbit baǵy gúl,
Asýdan asyp asqarly
Minekeı bıyl taǵy bir

Jańa oqý jyly bastaldy.
Shattyqpen shalqyp tolǵana
Oı tolqytqan júregin
Ómirge almaq joldama
Syr shertsin endi túlegiń

On birinshi synyp oqýshysy. Aıjan
Keshe ǵana attaǵan,
Mektep tabaldyryǵyn
Búldirshin edik bastaǵan
Aq bantıkti tulymyń
Iá, keshe, keshe edi,
Sábı edik baldyrǵan
Azamat bolyp kósheli,
Tabylmaqpyz san qyrdan
Sýsyndap bilim nuryna
Ótkerippiz on jyldy
Qanyǵyp ómir qyryna,
Zerdege túıdik mol syrdy.

Janar
11 - synyp oqýshysy:
Oqyǵan ápke, aǵańyz,
Qadirli mektep – bul mektep.
Senderdeı biz de bolǵanbyz,
Eseıdik, mine, qarańyz.
Qut bolyp alǵash qadamyń,
Jaǵarsyń bilim shyraǵyn.

Shoqan:
Bıylǵy jyl erekshe,
Uǵarsyń onyń shyn mánin.

11 - synyp oqýshysy:
Quttyqtap bilim kúnimen,
Syılanar sizge álippe.
Bar bilimniń bastaýy,
Qadirlep ony dáripte.

I Júrgizýshi:
Egemen eldiń tósinde,
Shýaǵyn shashsyn araı, kún
Azamat bolyp ósińder,
Qyzyǵa jurttar qaraıtyn.

11 - synyp túlekteriniń qurmetine ------------------ oryndaýynda “Mektebim” ánin qabyl alyńyzdar.
Júrgizýshi:
Bireýler enshi ap ómirden,
Attanbaq bolsa asyp qyr
Bireýler balǵyn kóńilmen
Alǵashqy qadam basyp tur

Sondyqtan da nazardy,
Solar jaqqa buraıyq
Baldyrǵandardy bazarly
Qarsy alyp, qol uraıyq.
II Júrgizýshi:
Aıqara ashqan esigin
Qaınary bilim nurynyń
Mektebiń – altyn besigiń
Jyly uıań, mine synybyń

Qalamsap alyp qolyńa,
Dostasarsyń da árippen
Shýaǵyn seber jolyńa,
Jan serigiń - álippeń – deı kele, búgingi mektep
tabaldyryǵyn attaǵaly otyrǵan 1 - synyp
oqýshylaryna sátti qadam, taýdaı talap tileımiz.

I Júrgizýshi:
Halqymyz “Ata - baba dástúri - asyl mura” degendeı “Bala – baýyr etim” dep balasy shyr etip dúnıege kelgennen bastap, árbir qadamyna qýanyp, shildehana, besik toı, tusaý keser, ashamaıǵa
otyrǵyzý sıaqty toılaryn jasaǵan. Al búgingi toıymyz búldirshinderdiń 6 - ǵa kelip, 1 - synypqa qabyldanyp,“Alǵashqy qońyraý merekesine qatysý sáti.
Bul toı - balanyń bal dáýren shaǵymen qoshtasyp, bilimge talpynǵan qadamy.
Qurmetti halaıyq, olaı bolsa, oqýshylarymyzdyń toıyn bastaýǵa ruqsat etińizder!
(1 - synyp oqýshylarynyń ádebı montajdary, óleńderi tyńdalady, ónerleri tamashalandy)
İİ blok
Mýzyka áýenimen oınap kele jatqan balalar daýysy estiledi. Osy kezde 2 - 3 baldyrǵan (qoldarynda doby, qýyrshaǵy, mashınasy bar) ózara talasyp kelip ortaǵa kiredi.

II - júrgizýshi:
Oıyn qýǵan, júrgen dýman bul kimder?
Syldyraǵan balań tilmen estiledi bir únder.

1 - baldyrǵan:
Mamam aıtqan kúzde mektepke barasyń dep, (Dana)
Kóp - kóp oqý quraldaryn alasyń dep.

2 - baldyrǵan:
Onda myna mashınańdy nege tastamaısyń? (Tomırıs)
Sen áli esh nárseni túsinbeıtin kishkentaısyń.

3 - baldyrǵan:
Joq, ol jetige toldy, (Batyrhan)
Úlken bala boldy.
Myna qýyrshaqty, mashınany
Bópesine syılaıtyn boldyq.

Balalar oıynshyqtaryn bópelerine beredi. Osy arada mektepke bara jatqan 2 - synyp oqýshylary ortaǵa kelip qosylady.

2 - synyp oqýshysy:
Balalar, mektepke barmaısyńdar ma? (Arýjan)

1 - Baldyrǵan:
Mektep. Mektep degen ol ne ózi? (Adıa)
Onyń bar ma murny, aýzy, kózi?

2 - synyp oqýshysy:
Mektep – ol úlken orda,
Oqımyn degenniń bári sonda.

2 - Baldyrǵan:
Onda ne beredi?
Meniń de barǵym keledi.

2 - synyp oqýshysy:
Jetige tolsań, oıyn qýmaı bos tekke, (Arýjan)
Oqısyń, árıne, sen de mektepte.

3 - Baldyrǵan:
Mektepten úırendiń sen neni? (Raıymbek 2á)
Kóp pe onyń senderge bergeni?

2 - synyp oqýshysy:
Mektepte bárimiz bilim alamyz,
Jan - jaqty damyp ósedi sanamyz.
Biz sekildi aǵylshyn tilin meńgeresiń,

(Alısher 2 v)
Mektepte dombyra qaǵýdy úırenesiń,
Úıirmede bılegende bir ǵajaıyp kúıge enesiń.
Án sabaǵyna qatysyp án aıtasyń,
Internetke kirip jańalyqpen qaıtasyń.
Sporttyń neshe túrimen shynyǵasyń,
Qarnyń ashsa, asqanada sýsyn iship tynyǵasyń.
(2 g Elnýra)

Búgin 1 – qyrkúıek bilimniń kúni,
Syńǵyrlaıdy mektepte qońyraý úni.
Mektebim minekı, aq ordam tym asqaq,
Ustazym, dostarym tur áne qol bulǵap.
Júrińder, úńilip mekteptiń syryna,
Shyǵaıyq biz birge bilimniń shyńyna.

I júrgizýshi:
Qadamyńa gúl bitsin dep al halqym,
Qol soǵyp bir qoshemettep tur jalpyń.

II júrgizýshi:
Ortaǵa 1 - synypqa qadam tastaǵan búldirshinder keledi,
Júrek jardy taqpaqtaryn sizderge aıtyp beredi.

1 - oqýshy:
Sálem, saǵan mektebim, (1a Dana)
Alǵystarym kóp meniń.
Oqý, bilim, tárbıe
Oı sanama ekkeniń.

2 - oqýshy:
Qýanysh búgin – mereke, (1a Tomırıs)
Shýaǵyn shashyp tur álem.
Mektepke kelgen alǵashqy,
Jan dosym, saǵan myń sálem.

3 - oqýshy:
Birinshi qyrkúıek kúni men (1g Batyrhan)
Ańqyǵan jupar gúlimen
Kelip em, qarsy alar mektebim
Súıkimdi qońyraý únimen.

4 - oqýshy:
Bıyl men de mektepke (1g Adıa)
Birinshige baramyn.
Maqtanbaımyn men tekke,
Daıyn dápter, qalamym.

5 - oqýshy:
Mektepke endi baramyz, (1v Qymbat)
Biz oqýshy bolamyz.
Jaqsy oqyp sabaqty,
Kileń bestik alamyz.

6 - oqýshy:
Aldyńa kelip, ustazym, (1 v Janelá)
Tuńǵysh qalam ustadym.
Kúlimdegen kózińnen
Meıirińdi sezindim.

7 - oqýshy:
Otannyń biz ul - qyzy, (Madıar 1á)
Halyqtyń biz juldyzy.
Oqımyz aqyn - jyrlaryn,
Oqımyz eńbek syrlaryn.

8 - oqýshy:
Syldyrlaıdy, syńǵyrlaıdy (1 b Meıirjan)
Mektep jaqta qońyraý.
Umytpaımyz bul bir aıdy,
Gúlge toly omyraý.

9 - oqýshy:
Gúl toly qala, dala da, (1 b Batyrhan)
Gúl toly búgin omyraý.
Shaqyryp mektep – anaǵa,
Soǵylmaq tuńǵysh qońyraý.

Mektep tabaldyryǵyn alǵash attap otyrǵan búldirshinderimizge sáttilik tileı otyryp, 2 a synyp oqýshysy Djýmalınova Dana «Ertegiler» ánin joldaıdy, qabyl alyńyzdar.

I - júrgizýshi:
Júregi nur, ómiri gúl ustazdyń,
Sondyqtan da ustazyńa uqsaǵyń.
Adam janyn tárbıelep aıalar,
Qurmetti ǵoı árbir isi ustazdyń – dep sóz kezegin 1 - synypqa shákirtterin qabyldap otyrǵan ustazdarǵa beremiz. Qurmetpen ortaǵa 1 a synyp jetekshisi Baıan Bakıqyzyn shaqyramyz.

II júrgizýshi:
Oqıtyn ári jazatyn,
Bilimge qol sozatyn.
Oqýshy boldyń, qaraǵym,
Bilimniń kiltin ashatyn, - dep sóz kezegin balapandaryn ertip kelgen qurmetti ata - analarymyzǵa beremiz. Ortaǵa 1á synybynyń ata - anasy ---------------------- ortaǵa shaqyramyz.

1 júrgizýshi:
Kútip tur, alda san qyzyq,
Asýlar asqar, neshe syn
Keýdeńe úmit janǵyzyp,
Azamat bolyp ósesiń.
Úmittiń otyn jandyrǵan
Qyzyrdan bolsyn qoldaýshyń
Hosh kelipsiń, baldyrǵan
Qadamdaryńa nur jaýsyn!
Ushtalǵan úmit armannan,
Taýdaı bir bolsyn talabyń! – kelesi ásem bı ózderińe arnalady.

Meniń Qazaqstanym oryndaıtyn 3b synyp oqýshysy, Ispanıa, Týrsıadaǵy halyqaralyq baıqaýlardyń jeńimpazy, djambo tobynyń bıshisi Amanjolova Aıgerım qabyl alyńyzdar.

II Júrgizýshi:
Jańa oqý jyly qut bolyp,
İzgilik oty jaǵylsyn.
Bóbek pen túlek jup bolyp,
Alǵashqy qońyraý qaǵylsyn – alǵashqy qońyraýdy kúmbirlete soǵý úshin ortaǵa mektebimizden bıyl túlep ushatyn jáne mektep tabaldyryǵyn alǵash attaǵaly otyrǵan oqýshylardy shaqyramyz.
(Birinshi jáne on birinshi synyp oqýshylary qońyraý soǵady)
1. 11 b synyp oqýshysy, oqý úzdigi, qalalyq pán olımpıadasynyń jeńimpazy ----------------------
2. 1 a synyp oqýshysy
3. 1á synyp oqýshysy
4. 11 - synyp túlegi
5. 1 b synyp oqýshysy
6. 1v synyp oqýshysy

I Júrgizýshi:
Aıalar beıbit kún nury,
Mektebim, bizge jórgeksiń.
Alǵashqy qońyraý syńǵyry
Án bolyp seni terbetsin.

Syńǵyrla qońyraý, syńǵyr qaq,
Jańa oqý jylyn ashqasyn
Bal úniń seniń syrly yrǵaq
Synypqa bizdi bastasyn

Qońyraý úni sharyqta,
Ózińniń sıqyr tilińde
Qyzmet kórset halyqqa
Shaqyryp óner – bilimge

Jańa oqý jyly jemisti
Mereıi ústem jyl bolsyn
Shákirtterimiz óristi
Elim der qyz ben ul bolsyn.

II Júrgizýshi:
Endeshe balǵyn balalyqpen qoshtasyp, mektep tabaldyryǵyn alǵash attaǵaly otyrǵan 1 - synyp oqýshylary men alǵashqy ustazdaryna qoshemetpen qol soǵyp qoıaıyq! Mektepke 1 - synyp oqýshylary men ustazdaryn alǵashqy bilim kúnine arnalǵan sabaqqa shaqyramyz.
1 - a synyby synyp jetekshisi
1 - á synyby synyp jetekshisi
1 - b synyby synyp jetekshisi
1 - v synyby synyp jetekshisi
1 - g synyby synyp jetekshisi

Oqysańyz balalar
Shamnan shyraq jaǵylar
Tilegeniń aldyńnan
İzdemeı - aq tabylar – alǵashqy qadamdaryń qutty bolsyn, altyn uıa mektebińde bilim nárimen sýsyndap, jarqyn bolashaqqa senimmen qarańdar.
Aq jol, búldirshinder!
Bilimmen asyp - tasaıyq
Tileýin bersin kók kóptiń
Tilekpen osy ashaıyq
Esigin endi mekteptiń

İ - júrgizýshi:
Osymen 1 - qyrkúıek bilim kúnine arnalǵan “Sálem saǵan súıikti, altyn uıa mektebim!” merekesi ózi máresine jetti. Saltanatty jıynymyzdy jabyq dep jarıalaımyz. Bilim kúni qutty bolsyn. Elimiz aman, elimizdiń bedeli asqaq bolsyn!

İI júrgizýshi:
Jańa oqý jyly barshańyzǵa qutty bolsyn! “Alǵashqy qońyraý!” merekesi 2012 - 2013 oqý jylynyń alǵashqy sabaǵymen jalǵasady.
Aq jol sizderge, mektep oqýshylary!