InfoHub Logo

Atyraýda bir otbasynyń ólimine qatysty sot prosesinde aıyptalýshy Sultan Sársemalıev 32 jastaǵy qaınysy Naýryz Muqanǵalıev pen 35 jastaǵy Meıramgúldi qalaı óltirgenin jan-jaqty baıandap berdi.

Bul týraly Infohub.kz aqparat agenttigi habarlaıdy.

Naýryzdyń ólimi: Qaınysynyń aıtqandary

Sársemalıevtiń aıtýynsha, Naýryz Muqanǵalıev oqıǵa kezinde birden kóz jumbaǵan. «Ómirimde birinshi ret osyndaı jaǵdaı boldy. Men buryn mal da soıyp kórmegenmin», – dep moıyndady aıyptalýshy.

Oqıǵadan keıin shamamen 15 mınýt aýlada kútip turǵan Sársemalıev úıge qaıta kirgende, Naýryzdyń edende jatqanyn kórgen. «Men ony áli tiri shyǵar dep oıladym. Eger aman qalsa, búkil otbasyma kúıeý balasynyń ózin óltirmek bolǵanyn aıtyp beredi dep qoryqtym», – dedi ol.

Bes balanyń taǵdyry

Aıyptalýshynyń aıtýynsha, bolǵan oqıǵadan keıin polısıa shaqyrýdy oılaǵanymen, bes balasynyń taǵdyryn oılap, ne isterin bilmeı dal bolǵan. «Shynymdy aıtsam, polısıa shaqyrǵym keldi. Biraq meniń bes balam bar edi. Eń kishisi ol kezde tórt aılyq bolatyn. Áıelim olardy jalǵyz qaraı almaıdy. Sol sebepti ne isterimdi bilmeı uzaq oılandym», – dep aǵynan jaryldy Sársemalıev.

Meıramgúldiń ólimi: Namysqa tıgen sózder

Sotta aıyptalýshy Meıramgúldiń ólimine qatysty da mán-jaıdy baıandady. Onyń sózinshe, qylmys jasalǵan kezde úıde balalar men jubaıy Aqbaıan bolǵan. Qyzynyń ata-anasy óltirilgennen keıin Meıramgúldi Jańgeldın aýylynan alyp kelip, Aqbaıanǵa kómektesip, janynda bolsyn dep úıine ornalastyrǵan.

Alaıda keıin olardyń arasynda janjal týyndaǵan. «Ol meniń namysyma tıetin sózder aıtty. Anasynyń sózderin qaıtalady. Psıhologıalyq jaǵdaıyna baılanysty anasynyń aıtqandaryn boıyna sińirip alǵan edi», – dedi ol.

Sársemalıevtiń aıtýynsha, osy janjaldan keıin ózin ustaı almaı qalǵan. «Aldymen qoltyq tusynan urdym, keıin betinen soqtym. Aýzyn japqym keldi, sondyqtan pyshaqpen betine ura berdim. Ol tipti aıqaılaǵan joq. Ol kezde esh ókinish bolǵan joq. Úsh adamdy óltirgennen keıin báribir bolyp ketedi eken», – dep qorqynyshty jaıtty ashyq aıtty aıyptalýshy.

İs materıaldaryna sáıkes, Meıramgúl Mausot Qarabalın men Násip Muqanǵalıevany óltirýge qoldanylǵan sol pyshaqpen óltirilgen.

Máıitti jasyrý áreketi

Sársemalıevtiń aıtýynsha, qylmystan keıin Meıramgúldiń máıitin Naýryz Muqanǵalıevtiń denesi jasyrylǵan jerge aparyp, sol shuńqyrǵa etpetinen kómip tastaǵan.

Buǵan deıin sotta aıyptalýshynyń jubaıy Aqbaıan Muqanǵalıevanyń alǵashqy jaýabynyń beınejazbasy kórsetilgen bolatyn. Onda áıel bolǵan oqıǵany túsinbeıtinin aıtqan edi.