InfoHub Logo

ASTANA. Úkimet otyrysynda ǵylym jáne joǵary bilim vıse-mınıstri Talǵat Eshenqulov bıylǵy oqý jylyna bólingen granttar men shákirtaqy mólsherine qatysty málimet berdi. Onyń aıtýynsha, 2024-2025 oqý jylynda 93 116 grant bólingen. Onyń ishinde 77 084 – bakalavrıatqa, 13 113 – magıstratýraǵa, 2 919 – doktorantýraǵa tıesili.

Sonymen qatar, 1 qyrkúıekten bastap shákirtaqy kólemi artatyny habarlandy. Jańa mólsher boıynsha:

• Bakalavrıat – 52 372 teńge,
• Magıstratýra – 117 098 teńge,
• Doktorantýra – 262 500 teńge.

– Bul sandar 2020 jylmen salystyrǵanda edáýir joǵary. Atap aıtqanda, bakalavr shákirtaqysy eki esege, al magıstratýra men doktorantýrada 1,75 esege kóbeıip otyr, – dedi vıse-mınıstr.

Sondaı-aq jataqhanadaǵy oryn tapshylyǵynyń azaıǵany aıtyldy. Eger 2019 jyly 82 500 stýdent jataqhanaǵa zárý bolsa, bıyl bul kórsetkish 14 873 orynǵa deıin qysqarǵan.