InfoHub Logo

Qurastyrǵan: Arynova Gúlbaný Serikqyzy - bastaýysh synyp muǵalimi

Bul ádistemelik qural jalpy orta bilim beretin 1 synyptarynda ótetin mektep komponentinen alynǵan úıirmege arnalyp jazylǵan. Kúntizbelik - taqyryptyq jospar oqýshylardyń ana tili páni boıynsha bilimderin keńeıtýdi kózdeıdi.
Ár synypqa aptasyna 1 saǵat dep eseptelip, jylyna 34 saǵat qurylǵan (bul saǵat mektep komponentinen alynǵan)
«Sheshendik sózder» kýrsy negizinde oqýlyq bolmaǵandyqtan baǵdarlama boıynsha kúntizbe jasap, oqýshylardyń jas ereksheligine laıyqtap jasaýǵa tyrystym. Sebebi, adamzat tarıhynyń túrli kezeńderinde ár ólke, ár elde ómir súrgen ataqty bilimpaz, aqylgóı danalar aıtyp, jazyp qaldyrǵan, ýaqyt eleginen ótip, urpaqtar zerdesine uıalaǵan ulaǵatty naqyldar, sheshendik sózder, maqal - mátelder balanyń til oramdaryn arttyrýǵa, ómirge kózqarasyn qalyptastyrýǵa, oı - órisin keńeıtýge, sózdik qoryn baıytýǵa óte qajet. Bul baǵdarlamada oqýshylardyń shyǵarmashylyqpen aınalysýǵa múmkindigi bar.
Ádistemelik qural bastaýysh synyp muǵalimderine arnalǵan jáne kúntizbelik jospar usynylǵan.

Alǵy sóz
«Óner aldy - qyzyl til» (halyq maqaly)

Qurastyrylǵan ádistemelik jınaq oqý - tárbıe úrdisinde qazirgi kezde oqytý isiniń jemisti bolýyna qajetti jaǵdaılardyń biri - oqýshylardyń oı - órisin, til oramdyǵyn keńeıtý, arttyrý.
Oqýshylardyń ózdiginen shyǵarmashylyqpen aınalysýǵa, sahnalyq qoıylymdar qoıýǵa múmkindikteri bar. Bul baǵdarlama boıynsha óz betimshe kúntizbelik jospar jasap, oqýshylardyń jas ereksheligine qarap qurastyrdym.
İzdenis barysynda oqyrmanǵa túsinikti bolý úshin «Sheshendik sózder» kýrsy taqyryby men mazmunyn, shyǵarmashylyqpen jumys isteýin tómendegideı 4 taraýǵa bóldim.
1. Kirispe bólim. Halyq danalyǵy. Sheshendik sózder jaıly qysqasha túsinik. Sheshendik ónerdiń qalyptasyp damýy.
2. Negizgi bólim. Sheshendik sózderdiń túrleri. Sheshendik syn. Sheshendik tolǵaý. Sheshendik sózderdiń qurylysyndaǵy keıbir erekshelikter.
3. Sheshendik óner. Sheshendik dástúr. Sheshendik mektep.
4. Qorytyndy bólim. Sheshendik sózderdiń til sheberligi.
Atalǵan tórt bólim boıynsha qamtylmaǵan keıbir taqyryptardy ár muǵalim oqýshynyń oı - órisiniń deńgeıine, júıesine qaraı túıindep qurýyna bolady.