InfoHub Logo

«Óner qyrandary» teatrynyń aktrısasy Dana Turarbek tanymal ánshi Janar Aıjanovadan 10 jyl buryn jasaǵan parodıasy úshin kópshilik aldynda keshirim surady. Bul týraly Infohub.kz aqparat agenttigi habarlaıdy.

Aktrısanyń aıtýynsha, bul áreketine ókinip, ýaqyt ótse de, keshirim suraýdy jón kórgen.

«Men, Dana, «Óner qyrandary» teatrynyń aktrısasy retinde, osydan 10 jyl buryn jasaǵan qateligim úshin dúıim jurt aldynda keshirim suraımyn. Iá, bilemin, uzaq ýaqyt ótip ketti. Biraq «jaqsylyqtyń erte-keshi joq» deıdi ǵoı. Barsha halyqtyń aldynda sizge parodıa jasaǵanym úshin Janar Aıjanovadan keshirim ótinemin. Janar apaı, men sizdi qatty syılaımyn, qatty jaqsy kóremin. Shyny kerek, sizdiń daýysyńyzben óstik. Sizge eliktep, «myna kisiniń ishine balasha balǵyn, ádemi daýys qalaı syıady?» dep oılaıtynmyn. Bir qarasam, Respýblıka saraıynyń sahnasynda sizdi somdap turmyn. Keshirińiz, Janar apaı. Endi salmamaımyn. Eger salyp qoısam, qaıtadan keshirim suraımyn», – dedi Dana Turarbek.

Aktrısanyń bul beınejazbasy jelide qyzý talqyǵa tústi. Kópshilik muny ázil retinde qabyldasa, keıbiri Dananyń parodıasy Janar Aıjanovaǵa uqsamaǵanyn aıtyp, pikir bildirdi.