InfoHub Logo

Qorqyt Ata atyndaǵy Qyzylorda memlekettik ýnıversıteti Ustazdar merekesine oraı «Ustaz - bilim shamshyraǵy» atty merekelik kesh ótkizdi. Bul týraly ýnıversıtettiń baspasóz qyzmeti habarlady.

Sharada ýnıversıtet rektory, t.ǵ.d., profesor Q.A.Bısenov ustazdardyń qoǵamdaǵy ornyna toqtalyp, qonaq retinde shaqyrylǵan ardager-ustazdardy, oqytýshylar qaýymyn kásibı merekelerimen quttyqtady.

-  Halqymyzdyń danalyǵynda: «Myń jyldyǵyńdy oılasań - urpaq tárbıele»  degen ulaǵatty uǵym bar. Bul - bizdiń rýhanı tiregimiz, ultymyzdyń bolashaǵy, adamzat órkenıetiniń qaınar bulaǵy, tereń taǵylymǵa toly - kemel keleshegimizdiń tiregi. Sondyqtan urpaq tárbıesiniń qoǵam aldyndaǵy shynaıy mindetiniń salmaǵyn da, mánin de júrekpen túsine alatyn, uǵyna biletin qadirli ustazdar, Sizderdi búgingi merekemen quttyqtaımyn! - dedi ol.

Merekelik kesh barysynda 2015-2016 oqý jylyndaǵy bilim berý qyzmetindegi jetistikterin baǵalaý jónindegi ýnıversıtet reıtıńisi  boıynsha eń joǵary bal jınaǵan 5 profesor-oqytýshyǵa ýnıversıtet rektory «Qorqyt Ata atyndaǵy Qyzylorda memlekettik ýnıversıtetiniń úzdik oqytýshysy» medalin taqty. Jalpy, reıtıń qorytyndysymen 100 profesor-oqytýshyǵa jyl boıy tólenetin ústemeaqy taǵaıyndaldy.

Bul úrdisti ýnıversıtet jyl saıynǵy dástúrge aınaldyrǵan.

Ustazdaryn ulyqtaǵan bilim ordasynda búginde 500-den asa maman oqytýshy bolyp qyzmet atqarady. Onyń 22-i ǵylym doktory, profesor, 6-aýy PhD doktory, 217-i ǵylym kandıdaty men dosent, 179-y ǵylym magıstri.

Sondaı-aq sharada birqatar ustazdar «Nur Otan» partıasy Qyzylorda oblystyq fılıalynyń Alǵys hatymen, «Qorqyt Ata atyndaǵy Altyn medalmen», ýnıversıtet rektorynyń Alǵys hatymen marapattaldy.

Ardager-ustazdar arasynda ótken shahmat týrnıriniń nátıjesi jarıa etilip, júldegerlerge baǵaly syılyqtar berildi.

Shara sońy konserttik baǵdarlamaǵa jalǵasyp, ardager-ustazdarǵa aq dastarhan jaıyldy. 

---