InfoHub Logo

Sońǵy kezderi Almaty qalasynda 1414 nómirinen keletin SMS habarlamalar arqyly alaıaqtyq áreketter kóbeıip ketti. Bul jaǵdaılardyń qurbany, ásirese, qart adamdar jıi shalynady.

Bul týraly Infohub.kz aqparat agenttigi habarlaıdy.

Almaty polısıasynyń málimetinshe, alaıaqtar adamdardy qorqytyp, psıhologıalyq qysym jasaıdy. Olar SMS arqyly kod alǵan soń, bank, poshta, salyq nemese quqyq qorǵaý organdarynyń qyzmetkeri bolyp habarlasyp, adamdardy arnaıy qosymshalardy ornatýǵa nemese siltemelerge ótýge májbúrleıdi. Málimetterińiz urlanǵan nemese dereý aqsha aýdarý qajettigin aıtyp, sendiredi.

Alaıaqtardyń ádisteri

Almaty qalalyq polısıa departamentiniń kıberqylmystarmen kúres basqarmasynyń bastyǵy Ánes Qaldybaevtyń aıtýynsha, bul tek psıhologıalyq aıla. «1414 nómirinen keletin SMS arqyly nesıe alý múmkin emes, bankterdiń ózderiniń qorǵaý júıeleri bar», - deıdi ol.

Qart adamdar jıi mynadaı joldarmen aqshasynan aıyrylady:

Saq bolýdyń joldary

«Eń basty ereje – eshkimge, tipti bank nemese polısıa qyzmetkerimin dep tanystyrǵandarǵa da, jeke derekterińizdi, kartańyzdyń rekvızıtterin nemese kodtardy habarlamańyz. Aqparatty óz betińizben tekserip, psıhologıalyq manıpýlásıalarǵa ermeńiz», - dep atap ótti Ánes Qaldybaev.

Buǵan deıin quqyq qorǵaý organdary Halyqaralyq áıelder kúni qarsańynda qazaqstandyqtardyń jappaı aldanýy múmkin ekendigi týraly eskertken bolatyn.