tengrinews.kz
17 jyl senim artqan baqtashy 46 mıllıon teńgeden astam mal urlady
Jetisý oblysynda 17 jyl boıy senim artqan baqtashy 46 mıllıon teńgeden astam mal urlap ketti. Bul týraly óńirlik Polısıa departamentiniń baspasóz qyzmetine silteme jasap Infohub.kz aqparat agenttigi habarlaıdy.
Eskeldi aýdanynyń turǵyny 13 sáýirde polısıaǵa habarlasyp, jaıylymnan 39 bas alataýlyq tuqymdy sıyrynyń qaıtyp oralmaǵanyn aıtqan. Jedel-izdestirý sharalary bastalǵan.
17 jyldyq senimniń sońy nege ulasty?
Jedel-tergeý barysynda oqıǵanyń mán-jaıy anyqtaldy. Mal baǵýmen 17 jyl boıy aınalysqan 45 jastaǵy baqtashynyń ózi osy qylmysqa qatysy bar bolyp shyqty. Ol senimdi qyzmetker retinde eseptelgen.
Qazirgi ýaqytta tergeý jalǵasyp jatyr. Urlanǵan maldyń barlyǵy ıesine tabys etildi. Polısıa departamenti bul jaǵdaıdyń ıesi men baqtashy arasyndaǵy uzaq jylǵy senimge selkeý túsirgenin atap ótti. Degenmen, tájirıbe kórsetkendeı, kóp jyldyq senim de árqashan adaldyqtyń kepili bola bermeıdi eken.
Azamattarǵa eskertý
Tártip saqshylary azamattardy saq bolýǵa, múlikterin muqıat baqylaýǵa jáne kúdikti jaǵdaılar týraly ýaqytyly habarlaýǵa shaqyrady. Óıtkeni, qoǵamdaǵy tártip pen qaýipsizdikti tek birlesken kúsh-jigermen ǵana qamtamasyz etýge bolady.
-
Qytaıda týyp-ósken belsendi Serikjan Biláshtiń marqum aqyn Muhtar Shahanov týraly aıtqan sózderi qoǵamda qyzý talqyǵa tústi. Onyń pikirine belgili bloger Abzal Ibrashev te qarsy shyqty.
-
A herdsman with 17 years of service betrayed his employer's trust, stealing cattle valued at over 46 million tenge. Police have recovered all the stolen livestock.
