InfoHub Logo

Bastaýysh synyp muǵalimi Jangúl Imanmadıeva

Qosh, keldiń, qazaǵymnyń Jańa jyly!
Maqsaty:
- Ata – babalarymyzdyń myńdaǵan jyldardan beri merekelep kele jatqan jyl basy týraly bilimderin jetildirý.
- Oqýshylardy óz halqynyń, óz eliniń salt - dástúrlerin jaqsy bilip, ony is júzinde asyra bilýge tárbıeleý.
- Oqýshylardyń aýyzeki sóıleý, oılaý qabiletterin arttyrý, ómirge, bolashaqqa degen súıispenshiligi men uǵymdaryn qalyptastyrý.
(Sahnada baıaý mýzyka oınap turady. Ulttyq kıim kıgen 4 jigit shyǵyp, qaýymǵa bas ıip, kezegimen jar salady.)

1 - jigit: Ádilet
O, jarandar, jarandar!
Báriń mynda qarańdar!
Naýryz toıy bastaldy,
Tekke qarap turmańdar!

2 - jigit: Dıas
Áýelesin armandar,
Úmiti ot bop janǵandar.
Baq daryp, Qyzyr qarasyn,
Merekeden qalmańdar!

3 - jigit: Joldybaı
O, jarandar, jarandar!
Tamashadan qalmańdar.
Qus qanatty kóńilmen,
Jer álemdi sharlańdar.

4 - jigit: Dastan
Oıatyp shyń men asqardy,
Eritip muz ben aq qardy.
Nurlandyrǵan dalany,
Naýryz kóktem bastaldy.
(Sahnaǵa ulttyq kıim kıgen júrgizýshiler shyǵady.)
1 - júrgizýshi: Bekzat
Naýryz qutty bolsyn, elimizge bereke ákelsin!

2 - júrgizýshi: Batyrhan
Barmysyzdar, qadirmendi halaıyq! Ulys oń bolsyn, aq mol molsyn! Ulys baqty bolsyn, tórt túlik aqty bolsyn!

1 - júrgizýshi: Bekzat
Qasıetti kún - Naýryz merekesi qutty bolsyn! Bul kúni aldaǵy kúnderge arnalyp izgi oı, arman tilekter tilengen.

2 - júrgizýshi: Batyrhan
Endeshe:
Bastasa – eldiń kósemi,
Sóılese – sózdiń shesheni.
Aqyly asqan abyzdaı,
Bar túıindi sheshedi,- deı otyryp, Janat apaı men Alma apaıǵa sóz kezegin beremiz.

1 - júrgizýshi: Bekzat
Qýdym jerden sýyqty,
Qyrdan salqyn bý yqty.
Gúl jaınaǵan kóktemde,
Gúldeı syılyq kóp mende,
Gúldeı qyzymyz kelip tur,
Kóńildi án sap bermekke.
Án: «Shaqyrady kóktem»