InfoHub Logo

Jıyrma bes degen – jalyndy dáýren shyryny,
Jıyrma bes degen – dúnıeniń dúrmek qyzyǵy.
Boıdaqtyǵyń da qala almas boıyń tasalap,
Quryq bop túser arýdyń bulǵaq burymy.

Jıyrma bes degen – jóńkilgen tolqyn, tátti arman,
Ózińdi izdeý órkendi bulaqtardan.
Ańsatar keıde balalyq kezeń, bal sátiń,
Qoldaryn bulǵap, qıyrda qımaı qap qoıǵan.

Jıyrma bes degen-jigitińniń arqaýy,
Aldaǵy kúndi, asý men shyńdy ańsaýy.
Saǵynyshyń ol, qyzǵa qushtar, jyrǵa áýes,
Býyrqanyspen araılap atar ár tańy.

Jıyrma bes – qyran shyǵatyn samǵap shyńdarǵa,
Moıymas tipti tosynnan kelgen syndarǵa.
Terbete bilgin jerdegi baqyt jelkenin,
Júrektiń otyn usynyp keler jyldarǵa.

*** *** *** ***

---