InfoHub Logo

Áleýmettik jelide jas ananyń 2,5 jastaǵy qyzyna ákesiniń zorlyq áreket jasaýy múmkin degen kúdigi týraly jazbasy jurtshylyqtyń nazaryn aýdardy. Bul jaǵdaıdy alǵash bolyp zańgerlerdiń biri jarıalap, qoǵamda qyzý talqylaý týdyrdy.

Bul týraly Infohub.kz aqparat agenttigi habarlaıdy.

Ananyń aıtýynsha, jaǵdaı qalaı bastalǵan?

Ananyń aıtýynsha, kúdikti jaǵdaılar qyzyn shomyldyrý kezinde baıqalǵan. Bala vanada otyrǵanda jynys múshesin ustap, ádetten tys áreketter jasaǵan. Anasy muny durys emes ekenin aıtqanymen, túnde uıyqtar aldynda da balanyń sol áreketin qaıtalaǵany baıqalǵan. Alǵashynda anasy buǵan asa mán bermegen.

«Papa úıretti» degen sóz ananyń kúdigin kúsheıtti

Erteńine de búldirshinniń áreketi qaıtalanǵan soń, anasy bul áreketti kim úıretkenin suraǵanda, bala «papa úıretti» dep jaýap bergen. Bul jaýap ananyń kúdigin oıatty. Keıinnen qyz ákesimen baılanysty basqa da túsiniksiz jaǵdaılardy aıtyp bergen.

Polısıaǵa aryz tústi

Keıbir derekterge súıensek, qyz ákesiniń shalbarynan «qurt» kórsetkenin, saýsaǵyn jynys múshesine tyqqanyn, betin «kirletkenin» aıtyp bergen. Dárethanada otyrǵan kezde de qyzdyń jynys múshesiniń aýyrǵanyn aıtyp shaǵymdanǵany aıtylady. Osydan keıin áıel polısıaǵa júgingen.

Polısıanyń resmı jaýaby

Atalǵan jaǵdaı qoǵamda talqylana bastaǵannan keıin Shyǵys Qazaqstan oblysynyń polısıa departamenti resmı túsinikteme berdi. Vedomstvonyń málimetinshe, Óskemen qalasynyń turǵynynyń aryzy negizinde sotqa deıingi tergeý bastalǵan. Qazirgi ýaqytta istiń mán-jaıyn anyqtaýǵa baǵyttalǵan tergeý áreketteri júrgizilýde. QR Qylmystyq-prosestik kodeksiniń 201-babyna sáıkes, tergeý barysyna qatysty ózge aqparat jarıalanbaıdy.