InfoHub Logo

25 Mamyr — Sońǵy qońyraý (11 synyp | Qulaqtyn úniń ketpesteı, Syńǵyrla, sońǵy qońyraý)

1-júrgizýshi: Armysyzdar, qurmetti ustazdar men oqýshylar!

2-júrgizýshi: Qaıyrly kún, qadirli ata-analar men qonaqtar!

1-júrgizýshi:

Ózińmenen ólsheýsiz narqym meniń, Asqar taý, arqa tutar altyn belim. Uıadan urpaǵyńdy ushyrmaqqa Qosh keldiń, aınalaıyn, halqym meniń!

2-júrgizýshi:

Keshe ǵana tulymdary jelbirep, júrekteri lúpildep, mektep qabyrǵasyn ımene attaǵan ul-qyzdarymyz oıy tolyp, boıy ósip, altyn uıa mektebimen qoshtasqaly otyr.

1-júrgizýshi:

Jas júrektiń ómirlik qushtary gúl, Baǵban ustaz baýlyǵan qustary bul. Qoshtasyp búgingi kún uıasynan, Sol qustardyń bir toby ushqaly tur, — dep altyn uıa mektebiniń tabaldyryǵynan úlken ómirge ushqaly otyrǵan mektep bitirýshi túlekterimizdi qurmettep ortaǵa shaqyramyz. Qarsy alyńyzdar!

(Mýzyka áýenimen ortaǵa bitirýshi túlekter shyǵady)

1-júrgizýshi:

Aldaryńyzda 11A synyp oqýshylary. Synyp jetekshisi Jumaǵalıeva Rımma Ǵınıatqyzy. Synypta 39 oqýshy.

2-júrgizýshi:

Aldaryńyzda 11B synyp oqýshylary. Synyp jetekshisi Ajǵalıeva Gúlnur Zeıinqyzy. Synypta 14 oqýshy.

1-júrgizýshi:

20**-20** oqý jylynyń aıaqtalý qurmetine arnalǵan "Qulaqtan úniń ketpesteı, Syńǵyrla, sońǵy qońyraý" atty saltanatty jıynymyzdy ashyq dep jarıalaımyz.

2-júrgizýshi:

Batyrlyqqa ýyzynan jaryǵan Er qazaqty jalaýynan tanyǵan. Ózi batyr, ózi ánshi halyqqa Jarasady jiger berer ánuran. Qazaqstan Respýblıkasynyń ánurany oryndalsyn.

1-júrgizýshi:

Qazekem qonaq dese kósiledi, Mundaıda jaı túıini sheshiledi. Aq tileýli yrys qoı qonaq degen Ózimen ala keler nesibeni, – demekshi búgingi saltanatty jıynymyzdyń qadirli qonaqtarymen tanys bolyńyzdar:

1. Qonaq 1
2. Qonaq 2
3. Qonaq 3

2-júrgizýshi:

Búgingi kún ardager ustazdarymyz da ortamyzda:

1. Ustaz 1
2. Ustaz 2
3. Ustaz 3

1-júrgizýshi:

Bıylǵy sońǵy qońyraý merekesi tarıhı oqıǵalarǵa toly tusta ótkeli tur:

• Bul jyl — Qazaqstan Respýblıkasynyń Táýelsizdiginiń 20 jyl tolýymen erekshelenedi.
• Bul jyl – Qazaqstan Respýblıkasy Prezıdentiniń Qazaqstan halqyna «Bolashaqtyń irgesin birge qalaıyq!» atty Joldaýy jarıalanǵan jyl.
• Bul jyl – Vİİ qysqy Azıada oıyndarynyń elimizde ótken jyly.
• Bul jyl – «Eýropalyq qaýipsizdik yntymaqtastyq uıymynyń» samıtiniń ótken jyly.
• Bul jyl – Elbasymyz N.Á.Nazarbaevtyń kezekten tys saılaýdan ótip Prezıdenttikke qaıta saılanǵan jyly.

2-júrgizýshi:

Ajyramaı mektepten bir eli siz, Jaqsylyqqa jaralǵan júregińiz. Sóz berelik qurmetpen ózińizge, Shákirtterge arnalsyn tilegińiz, — deı otyryp, sońǵy qońyraý saltanatynyń alǵashqy quttyqtaý sózi mektep basshysy Talpahov Albert Asqarulyna beriledi.

1-júrgizýshi:

Arman oılar jetkizbegen ańsaǵan, Qaırat-kúshin qajyta almas qarsy aǵyn. Ómir teńiz tolqyndaryn kórgende Asyl aǵa tilegińdi ańsarmyn, — demekshi búgingi saltanatty jıynymyzdyń qurmetti qonaqtaryna sóz beremiz:

1. Qonaq 1
2. Qonaq 2
3. Qonaq 3

2-júrgizýshi:

Arman Dúısenovtiń áni: «Ustazym » Or: Kabır Ásem

1-júrgizýshi:

Abzal jandar bıik tulǵa baısaldy, Qushaq jaıyp tól merekeń qarsy aldy. Túlekterge jarqyn tilek bildirip, Quttyqtaıdy búldirshinder barshańdy, — dep, quttyqtaý kezegi birinshi synyp búldirshinderine beriledi.

2-júrgizýshi:

Jaqsy shákirt azamat atanady, Halqynan ata-anadan bata alady. Urpaǵyna aıtsyn dep aq tilegin, Ortaǵa shaqyraıyq ata-anany. Sóz kezegi qurmetti de qadirli ata-analarymyz atynan Saǵynǵalıeva Gúlnazdyń anasy Imanǵalıeva Gúlnar apaıǵa beriledi.

1-júrgizýshi:

Áli esimde álippeni ashqanym Esimińdi este mángi saqtadym Júregime nuryn quıǵan jylylyq Kórgen emes eshqashanda sýynyp – dep, túlekterdiń alǵashqy ustazy ári ardager ustazymyz Ishaqova Shynasyl Amanqyzyna sóz beriledi.

2-júrgizýshi:

Jıynymyz ótip jatyr saltanatty, Tógilgen kún nurynyń shapaǵaty Myń buralyp bıshiler bı bıleıdi, Halaıyq qol soǵyńyz marhabbatty, — demekshi, mektebimizdiń bıshi qyzdarynyń oryndaýyndaǵy «Qazaq bıin» qabyl alyńyzdar!

1-júrgizýshi:

Urpaqsyz shákirtterge baq kelgen be? Bapkersiz tulparlarǵa bap kelgen be? On bir jyl synyby úshin janyn salǵan, Sóz kezegi — jetekshi bapkerlerde dep, kelesi sóz kezegi ulaǵatty ustaz, túlekterdiń synyp jetekshisi Jumaǵalıeva Rımma Ǵınıatqyzyna beriledi.

2-júrgizýshi:

Búgingi kún – altyn uıa mektebin bitirip, qıaǵa qanat qaǵatyn jas túlekter úshin eń bir qymbat, eń bir qımas, eń bir umytylmas júrek tebirenterlik sát! Osy sátti paıdalanyp, bitirýshi túlekterimizge mádenıet demalys ortalyǵynyń ádiskeri Taqaev Taýasıh pen tárbıe jumystar ortalyǵynyń shahmat úıirmesiniń jetekshisi Jumaǵazıev Bekjan óz lebizderin joldaıdy.

(Mýzyka áýenimen syılyqtar, dıplomdar tabys etiledi.)

1-júrgizýshi:

Mektep mańy tolypty jarasymǵa, İzgilik te, meıirim bári osynda. Ómirge qanat qaqty jas órender, Asyl arman gúl atyp sanasynda– dep júrekteri lúpil qaqqan, qımastyq pen qýanysh, ańsaý men arman sezimderi aralasqan, osynaý sátte shákirttik sáttiń sońǵy, ómir jolynyń alǵashqy qadamynda turǵan jas túlek, endigi sózdi senderge beremiz.

(11-synyptardyń merekelik baǵdarlamasy: Ótenov Ernar — quttyqtaý sóz; Án «Ustazdarǵa»-Ibraev Ańsar; Arnaý — Happar Darajat; Qoshtasý válsi — túlekter)

2-júrgizýshi:

Aldaryńnan arman joly ashylady. Túlekterge baqyt gúli shashylady. Qımastyqpen 11-diń altyn kiltin İzin basar synypqa tapsyrady, — dep, bilimniń altyn kiltin bitirýshi túlek, «Altyn belgi» úmitkeri Gaısına Baqyt 10-synyp oqýshysy, oqý ozaty Seısekenov Nurbolatqa tapsyrady.

(Mýzyka áýenimen)

1-júrgizýshi:

Sońǵy qońyraý. Qymbatty mektep bitirýshi túlekter! Alǵash qolyńa gúl shoǵyn alyp, mektep tabaldyryǵyn attaǵannan beri 20 myńnan asa qońyraý únin estidińder. Al búgingi qońyraý úni erekshe. Ol mekteppen qoshtasar sońǵy qońyraý. Ol balalyq shaqtyń ómir belesine asyratyn qońyraý.

Gúlderge toly omyraý, Ómirde joq qoı toqyraý. Qımastyq sezim oıatyp, Soǵylsyn sońǵy qońyraý.

2-júrgizýshi:

Sońǵy qońyraý soǵý saltanaty 11 synyp oqýshylary Buırashev Aslan men Tańatarova Gúlaıymǵa tapsyrylady.

/Qońyraý soǵylady, dúr — dúrs soqqan júrek lúpili estilip turady/

1-júrgizýshi:

Kógershindeı samǵańdar, túlekterim, Oryndalsyn ómirde tilekteriń. Únimen sońǵy estigen qońyraýdyń. Dirildedi — aý erekshe júrekteriń.

2-júrgizýshi:

Bul sońǵy qońyraý úni… Balalyqpen qoshtasý, úlken ómirmen qaýyshý úni. Ómirde ilbip, tek kóshpeı, Júretin sergek jol mynaý. Qulaqtan úniń ketpesteı, Syńǵyrla, sońǵy qońyraý, Syńǵyrla, sońǵy qońyraý! – dep mektep túlekterin jańa ómir baspaldaǵyna shyǵaryp salamyz.

1-júrgizýshi:

Qoshtasady altyn uıa mektebiń Mańdaıyńnan sıpap óter kókte kún. «Sát — sapar» dep qol bulǵaımyz bárimiz Tileımiz biz armandarǵa jetkenin — deı kele, Ulttyq birińǵaı testti tabysty tapsyrýlaryńyzǵa tilektespiz. Jańa ómirlerińizge aq jol, sát sapar tileımiz!

1-júrgizýshi:

Osymen 20**-20** oqý jylynyń saltanatty sońǵy qońyraý jıynyn jabyq dep jarıalaı otyryp, jazǵy demalysty jaqsy ótkizip, kelesi oqý jylynda amandyqpen jolyqqansha saý-salamatta bolyńyzdar.

25 Mamyr senarı, 25 Mamyr Sońǵy qońyraý senarı, Sońǵy qońyraý senarı