InfoHub Logo

Astanadaǵy «Jeńistiń» 80 jyldyǵyna arnalǵan áskerı paradqa 2,5 mıllıard teńge bólindi. Qorǵanys mınıstriniń orynbasary osy qarajattyń sarbazdardyń is-sapar shyǵyndaryna, tamaqtandyrýyna jumsalatynyn aıtqanymen, áleýmettik jelilerde paradqa qatysqan sarbazdardyń palatkada túnep jatqanyn kórsetken vıdeo tarady.

Jeli qoldanýshylary Astananyń túngi sýyqtyǵyn eskere otyryp, sarbazdardyń jaısyz jaǵdaıy týraly pikir bildirip jatyr. «Olardyń densaýlyǵyna qaýip tónýde», «Sarbazdar úshin jaǵdaı jasalmaǵan», «Generaldardy palatkaǵa ornalastyrý kerek» dep jazǵandar da kóp.

Aıta ketý kerek, Qazaqstanda 2020 jyldan beri áskerı paradtar ótpegen bolatyn. Bıylǵy jyly ǵana bılik bul sharany ótkizý týraly sheshim qabyldady.