InfoHub Logo

Belgili ánshi Aqbota Kerimbekova telebaǵdarlama qonaǵy bolyp, jeke ómiri men anasynyń aıtqan aqyl-keńesi týraly tebirenispen áńgimeledi. Suhbat barysynda óner ıesi ótken ómir jolyn eske alyp, tolqyp, kózine jas alǵan sáti kópshiliktiń júregin eljiretti.

Bul týraly Infohub.kz aqparat agenttigi habarlaıdy.

Ónerden bas tartýdy oılamaǵan

Ánshiniń aıtýynsha, ómirinde túrli qıyndyqtar men synaqtar bolǵanymen, ol eshqashan ónerden bas tartýdy oılamaǵan. Osyndaı sátterde anasynyń aıtqan sózderi oǵan árdaıym kúsh bergenin jetkizdi.

Aqbota Kerimbekova anasynyń birde: «Ónerińdi tastama. Halyqtyń yqylasy — saǵan berilgen úlken syı» dep aıtqanyn eske aldy. Ánshiniń sózinshe, dál osy aqyl oǵan talaı qıyn kezeńnen ótýge kómektesken.

«3 balamnyń jaryǵy shyǵar»

Baǵdarlama barysynda ol balalary týraly sóz qozǵap, búginde bar ómiriniń máni solar ekenin aıtty.

«Men eshnársege ókinbeımin. Ómirde ne kórdim, sonyń bári maǵan sabaq boldy. “3 balamnyń jaryǵy shyǵar” dep oılaımyn. Solardyń amandyǵy úshin bárine daıynmyn», — dedi ánshi kózine jas alyp.

Óner ıesi otbasy men ana bolýdyń jaýapkershiligi ózine kóp nárseni úıretkenin de jasyrmady. Onyń aıtýynsha, áıel adam keıde syrttaı myqty kóringenimen, ishinde úlken sezim men aýyrlyqty arqalap júredi.

Jelidegi pikirler

Suhbattan keıin jeli qoldanýshylary ánshige qoldaý bildirip, onyń shynaıylyǵy men sabyryn erekshe atap ótti. Kópshilik Aqbota Kerimbekovanyń ómirge degen kózqarasyna tánti bolǵandaryn jazýda.