tengrinews.kz
3 mıllıard teńge onlaın-kazıno uıymdastyrýshysy Grýzıadan Qazaqstanǵa jetkizildi
Qazaqstanda zańsyz onlaın-kazıno uıymdastyrýshy dep kúdiktelgen azamat Grýzıadan ekstradısıalandy. Bul týraly Qarjy monıtorıńi agenttigi habarlady.
Bingo37.pro servısi arqyly myńnan astam qumar oıyndaryn usynǵan bul qylmystyq top, oıynshylardy Telegram jáne WhatsApp jelilerindegi jarnamalar men aksıalar arqyly tartqan. Jeńil aqsha tabýǵa bolatyndaı áser qaldyryp, oıynshylar aqsha aýdarǵannan keıin logın men paról berilgen.
Qarjylyq alaıaqtyq jáne dropperler
Aqsha qabyldaý jáne qarjylyq aǵyndardy jasyrý úshin uıymdastyrýshy Grýzıa men Tájikstan azamattaryn, ıaǵnı dropperlerdi tartqan. Olar Qazaqstan aýmaǵyna arnaıy kelip, bank shottary men nómirlerin tirkep, keıin uıymdastyrýshyǵa berip otyrǵan. Osylaısha, tirkelgen shottar arqyly 3,1 mıllıard teńgeden astam qarjy aınalymda bolǵan.
Halyqaralyq izdeý jáne ustaý
2025 jyldyń tamyz aıynda Rantık Bahtıar Ogly halyqaralyq izdeýge jarıalanyp, oǵan qatysty qamaýǵa alý týraly bultartpaý sharasy taǵaıyndalǵan. 2026 jyldyń qańtar aıynda ol Grýzıada ustalyp, Qazaqstanǵa ekstradısıalandy.
Múlikti tárkileý
Qylmystyq top múshesiniń múlkin jasyrý maqsatynda úshinshi tulǵalardyń atyna tirkelgen eki kóligi – PORSCHE CAYENNE jáne LEXUS GX 460 – memleket kirisine tárkilendi. Tergeý jalǵasýda.
-
V Aktobe zaderjan sotrýdnık prokýratýry. Rassledovanıe vedetsá antıkorrýpsıonnoı slýjboı.
-
An alleged organizer of an illegal online casino, suspected of processing over 3.1 billion tenge, has been extradited from Georgia to Kazakhstan.
