InfoHub Logo

32 jyl buryn zorlyqtyń qurbany bolǵan Natasha Qalymbetova ómirindegi eń aýyr kezeńder týraly alǵash ret ashyq aıtyp, jurtshylyqty eleń etti. Ol Qasqajol YouTube arnasyna bergen suhbatynda basynan ótkergen qorlyqty kúnderdi, onyń saldarynan týǵan qyzyn jáne olardyń qarym-qatynasyn baıandady.

Bul týraly Infohub.kz aqparat agenttigi habarlaıdy.

Qyzymdy aıap jylaımyn

Natashanyń aıtýynsha, 1994 jyly 17 jasynda bolǵan oqıǵa onyń ómirin túbegeıli ózgertken. Sol kezdegi aýyr jaǵdaıdan keıin júkti ekenin bilip, Oral qalasyna kóship baryp, oqýyn jalǵastyrýǵa tyrysqan. Alaıda, oqý ornynan da, aınalasynan da qoldaý tappaǵan.

«Júregi bar, jany bar, qazaqpyn, namysym bar, ermin degen adam mundaı áreketke barmaıdy. Bul janýarlardyń isi. Men ózimdi emes, qyzymdy aıap jylaımyn. Kishkentaı sábı jeksuryndardyń kesirinen ómirge keldi», - deıdi áıel.

Balalar úıine tapsyrǵan sábı

Deni saý qyz bala týǵan soń, oǵan nárestesinen bas tartý týraly qujat usynylǵan. Alaıda, birneshe kún sábıimen birge bolǵan ana oǵan qatty baýyr basyp qalǵan. Keıin úsh jyl boıy náresteler úıine baryp, qyzyn Anjelıka esimimen kórip júrgenin aıtady. Qazir qyzy 31 jasta.

«Meni keshire me, keshirmeı me, bilmeımin. Biraq oǵan aıtqym keletini, bul jaǵdaı ekeýmizdiń kinámiz emes», - deıdi ol.

Natasha Qalymbetova buǵan deıin áleýmettik jelige basynan ótken oqıǵany baıandap, vıdeosy mıllıon qaralym jınaǵan bolatyn. Sol kezde İshki ister mınıstrliginiń ókilderi habarlasyp, is qozǵalǵanyn aıtqan.