InfoHub Logo

2023 jyldyń 24 aqpanynda Taılandta jol apatynan qaza tapqan qazaqstandyq mýzykant Darhan Júnisbekovtiń (Darkhan Juzz) esimi áli kúnge jankúıerleriniń júreginde saqtaýly. Jaqynda jelide ánshiniń tiri kezinde bergen, buryn kópshilikke belgisiz bolǵan suhbaty qaıta tarap, oqyrmandardy erekshe tolqytty.

Bul týraly Infohub.kz aqparat agenttigi habarlaıdy.

Bolashaqqa qatysty erekshe oılar

Suhbat barysynda Darhan Júnisbekov óziniń bolashaǵy týraly aıtqan elesterin bólisken. Ol bir kezderi ómiriniń tym uzaqqa sozylmaıtyndaı sezimde bolǵanyn, tipti 36-37 jasqa deıin ǵana ómir súretindeı elestetkenin jetkizgen.

"Men ózimdi 36-37 jasqa deıin ǵana ómir súretindeı elestetetinmin. Bir qaıǵyly jaǵdaıdan kóz jumatyn sıaqtymyn. Áýeli tanymal bolamyn, sahnada jarqyraımyn, sodan keıin ǵaıyp bolamyn dep oılaıtynmyn. Biraq ýaqyt óte kele bul oıymnan bas tarttym. Baqytty ómir súrgim keldi. Qartaıyp, nemerelerimdi kórgim keldi, jarqyn bolashaqqa sengim keldi", – degen edi marqum mýzykant.

Jankúıerlerdiń pikirleri

Vıdeo qaıta jarıalanǵannan keıin áleýmettik jeli qoldanýshylary túrli pikir bildirdi. Kópshiligi bul sózderdi ánshiniń ishki sezimimen nemese taǵdyrdyń jazýymen baılanystyrdy.

"Bárin júregimen sezgen eken", "Erte ketti", "Tiri bolǵanda talaı bıikti baǵyndyrar edi", "Jaqsy sóz aıtyp júrý kerek degen osy", – dep jazdy jankúıerleri.

Eske alý

Darkhan Juzz 33 jasynda Taılandta bolǵan jol apatynan qaıtys boldy. Keıin Almatyda júzdegen adam Arbatqa jınalyp, marqumdy eske aldy. Jankúıerleri gúl men sham ustap, onyń ánderin oryndap, óner ıesiniń rýhyna taǵzym etken bolatyn.

Darhan Júnisbekovtiń eń tanymal ánderiniń biri – "Erikpe". Qazir bul týyndyny ánshi YENLIK oryndap júr.