InfoHub Logo

Belgili jýrnalıs Janar Baısemiz óziniń jeke ómirine qatysty tyń derekterdi jasyrmaı aıtyp berdi. Ol 38 jasynda sheteldik azamatqa turmysqa shyǵý týraly sheshimin jáne onyń sebepterin Aman Tasyǵanǵa bergen suhbatynda ashyp kórsetti.

Bul týraly Infohub.kz aqparat agenttigi habarlaıdy.

«Men ádeıilep sheteldik azamatqa turmysqa shyǵýdy josparlaǵan joqpyn. Taǵdyr solaı jazdy. Bul meniń tańdaýym boldy. Áıtpese, men de qazaqtyń jigitine turmysqa shyǵýdy armandaıtynmyn», - deıdi Janar Baısemiz.

Ata-ananyń qoldaýy

Jýrnalıs ata-anasynyń bul sheshimge qalaı qaraǵany týraly suraqqa: «Eshkim qarsy bolǵan joq. Anama habarlasqanymda, ol kisi alǵashqyda sál abdyrap qaldy. Biraq ákem birden qoldap, batasyn berdi. Men úıdiń tuńǵyshy bolsam da, ózimdi ózim baǵalaıtyn, jeke ómirimdi ózim sheshetin jasta edim. 38 jasta bolsam da, áli jas kórinetinmin», - dep jaýap berdi.

Joldasy týraly

Janar Baısemizdiń joldasy – ıtalán ultynyń ókili. Onyń teginde moldavan, polák jáne ýkraın qandary da bar ekeni aıtylady. Kúıeýiniń Odessada óskendikten, úıde kóbine orys tilinde sóılesetinderin, alaıda ol qazaq tilin úırenýge ýáde bergenin jetkizdi.

Ákesiniń «ulty mańyzdy emes, adamgershiligi bolsa boldy» degen sózi Janardyń sheshimin odan ári nyǵaıtqan. Sonymen qatar, kúıeýiniń ıslam dinin qabyldaýy jýrnalıs úshin úlken qýanysh bolǵany aıtylady.

Erli-zaıyptylar Atyraýda tanysqan. Janardyń aıtýynsha, olar álemniń kóptegen elin aralasa da, taǵdyrdyń jazýymen dál osy qalada kezdesken. Kúıeýi qazaq dástúrin qurmettep, qalyń mal tólep, barlyq joralǵylardy oryndaǵan. Enesi de Janardy jyly qabyldap, jaqsy qarym-qatynas ornaǵan.