InfoHub Logo

Beıbit Álibekovtiń «Po domam» YouTube-jobasynyń jańa shyǵarylymy qazaqstandyq kásipker Tursyn Alagózov pen onyń jary, prodúser Baıan Maqsatqyzynyń Almaty mańyndaǵy záýlim úıine arnaldy. Jup bul shyǵarylym týraly eń úzdik pikir qaldyrǵan oqyrmanǵa 500 myń teńge nemese Baıan Maqsatqyzynyń brend sómkesin syıǵa tartpaq.

Bul týraly Infohub.kz aqparat agenttigi habarlaıdy.

Aýmaǵy 4 gektardan asatyn záýlim vılla

Sáni men saltanaty jarasqan vılla Almaty irgesindegi taýly aımaqta ornalasqan. Jalpy aýmaǵy 4 gektar, al úıdiń ózi 2 myń sharshy metrden asady. Ár bólmesi talǵampazdyqpen bezendirilgen shańyraqtyń ishki árleýinde jyltyr mármár, qymbat dızaınerlik jıhazdar jáne keń kıim bólmeleri kóz tartady. Úlken shkaftarda Louis Vuitton, Swarovski, Hermès sekildi álemdik brendterdiń sırek kezdesetin úlgileri saqtalǵan.

«Bári áıelim úshin»

Úı ishinde jeke baseın, jattyǵý zaly, tipti úı janýarlaryna arnalǵan arnaıy bólme de bar. Záýlim úıdiń aýlasyndaǵy erekshelikterdiń biri – zamanaýı úlgidegi sándi kıiz úı. Segiz qanatty kıiz úıdiń ishi ulttyq naqyshta bezendirilip, qonaq kútýge barlyq jaǵdaı jasalǵan. Bul otbasynyń dástúrge degen qurmetin kórsetetin sımvolıkalyq keńistik Baıan Maqsatqyzynyń ótinishimen bir aı ishinde daıyndalypty.

«Munyń bárin áıelim úshin istedim», – deıdi Tursyn Alagózov.

Jeke fıtnes ortalyǵy men baseın

Alagózovter otbasy salaýatty ómir saltyn ustanady. Úı ishinde kásibı deńgeıdegi trenajer zaly men fıtnes ortalyǵy ornalasqan. Munda sportzalǵa barmaı-aq, kez kelgen ýaqytta jattyǵý jasaýǵa bolady. Al jattyǵýdan keıin sergý úshin úıde keń baseın de qarastyrylǵan.

Úzdik pikirge – 500 myń teńge

Shyǵarylym sońynda Beıbit Álibek úı ıelerinen eń úzdik pikir úshin qandaı syı usynatyndaryn suraǵanda, kásipker jeńimpazǵa 500 myń teńge berýge daıyn ekenin aıtty. Al áıel adam utqan jaǵdaıda Baıan Maqsatqyzy óziniń brend sómkeleriniń birin syıǵa bermek.

1 táýlik ishinde vıdeo 550 myńǵa jýyq kórilim jınap, 13 myńnan astam pikir jazylǵan. Jeli qoldanýshylary bul juptyń qarym-qatynasyna, bir-birine degen syılastyǵyna tańdanystaryn bildirýde. Kópshiligi bul shyǵarylymnan keıin ózderiniń turyp jatqan úıleri lashyq tárizdi bolyp kórinetinin aıtqan.