InfoHub Logo

Almatydaǵy «Jan Production» kınostýdıasynyń kezekti sot otyrysynda jábirlenýshilerdiń ókilderi tanymal akterlerdi qamaýǵa alýdy talap etti. Ata-analar balalarynyń kınoǵa túsip, juldyz atanady degen úmitimen stýdıaǵa mıllıondaǵan teńge berip, aldanyp qalǵan.

Bul týraly Infohub.kz aqparat agenttigi habarlaıdy.

Akterlerdi jaýapqa tartý talaby

Jábirlenýshi taraptyń úndeýinde Jan Baıjanbaev, Dáýren Aıdarqulov, Berik Aıtjanov, Janna Qýanysheva jáne Qýandyq Shákirjanov syndy tanymal tulǵalardyń aty ataldy. Olardyń «Jan Production» kınostýdıasynyń jarnamasyna qatysyp, halyqty aldaýǵa sebepker bolǵany aıtylady.

Jábirlenýshilerdiń advokaty Raýshan Omarovanyń aıtýynsha, olar barlyq qatysýshy tulǵalardyń is-áreketterine quqyqtyq baǵa berip, qamaýda ustaý túrindegi bultartpaý sharasyn qaraýdy talap etedi. «Barlyq qatysýshy tulǵalardyń is-áreketterine quqyqtyq baǵa berýdi, sondaı-aq istiń qatysýshylaryna, onyń ishinde «Jan Production» qyzmetimen kópshilik aldynda baılanysty tulǵalarǵa qatysty qamaýda ustaý túrindegi bultartpaý sharasyna sanksıa berý týraly máseleni qaraýdy talap etemiz», - dedi advokat.

6 mıllıard teńge shyǵyn

Shaǵymdanýshylardyń aıtýynsha, keltirilgen shyǵyn 6 mıllıard teńgeden asyp túsken. Ata-analar stýdıany jarnamalap, jurtty aldaǵan akterler de jaýapsyz qalmaýy kerek dep sanaıdy. Olar áli kúnge deıin qarajattaryn qaıtara almaı júr.

«Jan Production» basshylaryna qatysty qylmystyq is qozǵalǵan. Kompanıa isterine sendirý úshin ata-analardan 1,5-2 mıllıon teńge aralyǵynda aqsha alyp, kelisimshart jasalǵan. Alaıda, ýádeler oryndalmaǵan. Jábirlenýshi retinde 130 adam aryz jazǵan.