Photo: Pixabay (https://www.pexels.com/@pixabay) / Pexels
66 mıllıon teńgege aldaǵandar: Jeke stomatologıa dırektorlaryna alaıaqtyq jasady degen aıyp taǵyldy
Jekemenshik stomatologıa klınıkalarynyń dırektorlary memleket qarjysyn jymqyrdy degen kúdikke ilindi. Qarjy monıtorıńi agenttiginiń málimetinshe, bul is boıynsha tergeý aıaqtaldy.
Bul týraly Infohub.kz aqparat agenttigi habarlaıdy.
Qarjyny qalaı jymqyrǵan?
Tergeý barysynda jeke klınıka dırektorynyń Áleýmettik medısınalyq saqtandyrý qorymen jalpy somasy 450 mıllıon teńgeden asatyn medısınalyq qyzmetterdi satyp alý týraly sharttar jasasqany anyqtaldy. Shart boıynsha, klınıkalar azamattarǵa tegin stomatologıalyq kómek kórsetýge mindettelgen.
Jalǵan aqparatpen jasalǵan qylmys
Alaıda, kúdikti «Damýmed» medısınalyq aqparattyq júıesine kórsetilmegen ortodontıalyq qyzmetter týraly jalǵan málimetter engizgen. Bul úshin ol buryn klınıkaǵa kómekke kelgen naýqastardyń, sonyń ishinde kámeletke tolmaǵandardyń jeke derekterin jáne dárigerlerdiń esep-shottaryn zańsyz paıdalanǵan.
Keltirilgen shyǵyn
Nátıjesinde, 4 597 rastalmaǵan ortodontıalyq qyzmet kórsetý faktisi anyqtaldy. Bul áreketterden keltirilgen zalal kólemi 66 mıllıon teńgege jetken.
Qabyldanǵan sharalar
Qazirgi tańda kúdiktiniń bank shottaryna 23 mıllıon teńge, sondaı-aq quny 29 mıllıon teńge bolatyn stomatologıalyq jabdyqtarǵa tyıym salyndy. Tergeý barysynda 11 mıllıon teńge kólemindegi zalal óteldi. Kúdiktige qatysty úı qamaǵyna alý túrindegi bultartpaý sharasy tańdaldy.
-
Telegram jelisinde jat aǵymdaǵy top qurǵan jasóspirimge qatysty sot úkimi shyqty.
-
24-letnıı jıtel Mangıstaý osýjden za moshennıchestvo s onlaın-kredıtamı, obmanýv znakomyh na sýmmý bolee 6,5 mıllıonov tenge.
