InfoHub Logo

8 naýryz merekesi qarsańynda Qazaqstan aýmaǵynda aýa raıy turaqsyz bolady dep kútilýde. Eldiń kóp bóliginde jańbyr men qar aralas jaýyn-shashyn jaýyp, jel kúsheıedi. Bul týraly «Qazgıdromet» RMK habarlady.

Bul týraly Infohub.kz aqparat agenttigi habarlaıdy.

Vesna syılar tosyn syı

Sınoptıkterdiń boljamyna sáıkes, sıklon men atmosferalyq fronttardyń áserinen elimizdiń basym bóliginde jaýyn-shashyn bolady. Soltústik pen soltústik-batys óńirlerde jańbyr men qar túrindegi jaýyn-shashyn, keı jerlerde qar jaýýy múmkin. Ońtústik aımaqtarda qatty jańbyr kútiledi.

«Respýblıka boıynsha jeldiń kúsheıýi, kóktaıǵaq, tuman baıqalady. Soltústik óńirlerde burqasyn bolyp, ońtústikte naızaǵaı oınaýy yqtımal», – dep eskertedi mamandar.

Arktıkalyq sýyq qaıta oralady

Apta basynda temperatýranyń kúrt kóterilýinen keıin, kelesi aptada eldiń batys jáne soltústik-batys bólikterine arktıkalyq sýyq qaıta oralady. Batysta túnde temperatýra -5…-15 °C deıin tómendese, soltústik-batys pen soltústik-shyǵysta -15…-25 °C deıin aıaz bolady. Al ońtústik pen shyǵys óńirlerde kóktemgi jylymyq seziledi.

3 naýryzdan bastap eldiń ortalyq jáne shyǵys bólikterinde de temperatýranyń tómendeýi boljanýda.