InfoHub Logo

Alaıaqtar endi memlekettik portaldardyń atyn jamylyp, azamattardyń aqshasyn urlaýǵa kóshti. Abaı oblysy polısıa departamentiniń habarlaýynsha, bul qylmystyq sqema elektrondy úkimettiń senimdiligin paıdalanady.

Bul týraly Infohub.kz aqparat agenttigi habarlaıdy.

Alaıaqtardyń jańa aılasy qalaı jumys isteıdi?

Azamattardyń uıaly telefondaryna memlekettik baılanys ortalyǵynyń resmı nómirinen habarlama keledi. Onda aıyppul salynǵany aıtylyp, ony tekserý nemese tóleý úshin siltemege ótý usynylady. Alaıda, bul silteme eGov.kz portalyna uqsas bolǵanymen, shyn máninde jalǵan saıtqa aparady. Tipti, kez kelgen kólik nómirin nemese JSN-di engizgende de, júıe jalǵan aıyppuldy kórsetip, senim týdyrady. «Tóleý» batyrmasyn basqan kezde, saıt bank kartasynyń tolyq derekterin suraıdy. Osylaısha, alaıaqtar aqshany zańsyz esepten shyǵara alady.

Alaıaqtyqtyń basty belgisi

Polısıanyń málimetinshe, eger siz qate derekterdi engizseńiz de, júıe aıyppuldyń bar ekenin kórsetse, bul – alaıaqtyqtyń belgisi. Bul – azamattardy shatastyryp, aqshany tez tóleýge ıtermeleýge baǵyttalǵan psıhologıalyq amal.

Qazaqstandyqtarǵa arnalǵan usynystar:

Esterińizge sala keteıik, buǵan deıin de polısıa jol erejesin buzǵany úshin jalǵan aıyppuldar týraly eskertken bolatyn. Sol kezde de alaıaqtar jeke derekter men kólik nómirin paıdalanyp, bank shottaryna qol jetkizýge tyrysqan.