InfoHub Logo

Sabaqtyń taqyryby: Adaldyq pen adamdyq.
Sabaqtyń maqsaty: Oqýshylarǵa adam boıyndaǵy adaldyq, adaldyq sezimderin uǵyndyrý.
1. Bilimdilik: adamgershiliktiń joǵary etıkalyq normalary ekendigine kóz jetkizý; tatýlyq, dostyq adamı qasıetterdiń ómirdegi mańyzdylyǵyn túsindirý;
2. Damytýshylyq: Sezim shynaıylyǵymen ar - namys tazalyǵy týraly maqal - mátelder, ózindik oı - pikirlerimen bólisý arqyly oqýshylardy shyǵarmashylyqqa baýlý. Ózara adal qarym - qatynas jasaý iskerlikterin damytý;
3. Tárbıelik: Adamdardyń ómirinde ádildik pen adaldyqtyń alatyn orny erekshe ekeni týraly oı - pikirlerin keńeıtý; kórkem shyǵarmadaǵy jáne qorshaǵan ortadaǵy dostyq qarym – qatynastyń kórinisterin baǵalaý qabiletterin damytý.
Sabaqtyń túri: Jańa sabaq
Qoldanylatyn ádis - tásilder: Túsindirmeli – ıllústratıvti, praktıkalyq.
Sabaqtyń jabdyǵy: ınteraktıvti taqta, slaıdtar, oqýlyqtar.
Pánaralyq baılanys: Qazaq tili, ınformatıka

Sabaqtyń barysy:
İ. Uıymdastyrý kezeńi ( 2 mın)
Oqýshylardyń kóńil - kúılerine nazar aýdarý.
- Sálemetsizder me balalar.
Oqýshylardy shattyq sheńberine shaqyrady. Sabaqtyń maqsaty men mindetterin habarlaıdy
1 slaıd
«Shattyq sheńberi»
«Adaldyq»
D. Álimjanov
Adaldyq ómirińe kerek nárse,
Ol da gúldep nurlanar kóńil bólse.
Halyqqa óz paıdasyn tıgize almaı,
Adam bop, ózin – ózi meńgermese.

İİ. Jańa bilim berý kezeńi (10 mın)
2 slaıd Áńgimelesýdi muǵalim taqtaǵa «adaldyq, ádildik» sózderin ilip, olardyń óz tujyrymdaryn aıtyp, qundylyq mánin asha túsýden bastaıdy. Oqýshylar ádildik boıynsha ár oqýshy ózi jazyp shyǵady. Berilgen saýaldarǵa oqýshylar óz pikirlerin jetkizedi.
- Oqýshylar sonymen bizder adam boıyndaǵy adaldyq qasıetterge toqtaldyq. Endi kelesi tapsyrmaǵa nazar aýdaraıyq.
Áńgimelesý.
• Adal dos degendi qalaı túsinesińder?
• Ádil bolýǵa umtylý adamǵa ne úshin qajet?
• Adal bolý kez kelgen adamnyń qolynan kele me?
• Nelikten?
3 claıd (3 mın)
Vıdeorolık kórsetiledi

İİİ. Oqýlyqpen jumys (7 mın).
4 slaıd «Adal bala” koreı ertegisi
Mátindi taldaý
Oı bóliseıik:
• Bala nelikten altyn, kúmis baltalardan bas tartty?
• Olardy birden alsa, ne bolar edi?
• Balanyń isin adal dep aıtýǵa bola ma? Nelikten?
5 slaıd (3 mın)
Trenıń
(Oqýshylar sheńberge turady, muǵalim bolatyn nárselerdi aıtqanda oqýshylar qoldaryn úsh ret
shapalaqtaıdy, al bolmaıtyn nárselerdi aıtqanda qoldaryn bir ret shapalaqtaıdy. )

İV. Dáıeksózben jumys (4 mın 6 slaıd)
«Adaldyq júrgen jerde, adamdyq júredi»
«Aldaý – zulymdyq, Aldaný - aqymaqtyq»
«Ádil sóılep, adal júr».

V. Jaǵdaıattardy taldaý (5 mın 7 slaıd)
1 – jaǵdaıat
Ajar men Almagúl sabaqtan kele jatyr edi. Ajar jarnamadan jańa fılmniń bastalǵanyn kórip: - Meniń qaltamda apam “Samsa alyp jersiń” dep bergen aqsha bar. Kettik, kıno kóreıik, - dedi.
Almagúl:
- Úıden suranyp shyqqan joqpyz, izdep qalady ǵoı - dep, irkilip qaldy.
- Eshteńe etpes, “mektepte boldyq”dep aıta salamyz.
* Ajardyń usynysyna sen qalaı jaýap berer ediń?
2 - jaǵdaıat
Meniń eń jaqyn dosym mektepte bir balamen dostasqan, ol kúndelikti keshke qaraı meni ózimen birge serýendep júrýge shaqyrady. Ol: “Meniń anam senimen birge júrgenimdi bilse qarsy bolmaıdy”, - deıdi. Dosyma úıinde ata - anasy uryspaýy úshin men birneshe ret telefon arqyly olarǵa ótirik aıttym. Basynda men qınalmastan olardy jasyryp júrdim, al qazir olar meni paıdalanyp júr, al men kúnde ótirik aıtýdy unatpaıtyn boldym. Men dosymnan ajyraǵym kelmeıdi. Sonda meniń ne isteýim kerek.
* Sender balanyń suraǵyna qalaı jaýap berer edińder?
Refleksıa (2 mın)
Sabaqtan ne túsindik?
Ne unady?
Sabaqtan qandaı áser aldyńdar?
7 slaıd
Júrekten júrekke (2 mın)
Adaldyq — adam minezindegi baǵaly qasıet; ADALDYQ - adam boıyndaǵy taza nıet, baǵaly qasıet, adamnyń sana - sezimi men ar - ujdanyna qaıshy kelmeıtin áreketterdiń moraldyq - etıkalyq jıyntyǵy.
Qazaqtyń adaldyq jaıynda ózindik paıym - túsinigi týraly Uly Abaı: «Aldaý qospaı, adal eńbegin satqan, qoly ónerli qazaqtyń áýlıesi sol», - deıdi. Adamgershilik ujymdyq ortada boıyna sińirgen tárbıesine, bilimine, adal eńbektenýge baılanysty qalyptasyp, adamnyń jeke basy men moraldyq tulǵasyn sıpattaıdy.
Júrekten - júrekke sheńberimen aıaqtalady. Oqýshylar bir birine júrek jardy tilekterin aıtyp taqtaǵa jazady.