InfoHub Logo

Kúlli eldi dúr silkindirip, «adam jegish» atanǵan Nıkolaı Jumaǵalıevtiń búgingi taǵdyry jurtshylyqty beı-jaı qaldyrmaıtyny anyq. Qazirgi tańda ol sottalyp, túrmede otyrǵan joq. Qazaqstannyń eń qatygez qylmyskerleriniń biri sanalǵan Jumaǵalıev Almaty oblysyndaǵy Aqtas aýylynda ornalasqan psıhıatrıalyq aýrýhanada em alýda.

Bul týraly Infohub.kz aqparat agenttigi habarlaıdy.

Jýrnalıs Asmıra Ermekqyzy Instagram paraqshasynda osy aýrýhanada 14 jyl boıy manáktarmen jumys istegen psıholog Aqmaral Shegentaıqyzymen bolǵan suhbatyn jarıalady. Sol suhbat barysynda Jumaǵalıevtiń búgingi jaǵdaıy týraly da aıtylǵan.

Qandy qylmystardyń hronıkasy

Nıkolaı Jumaǵalıevtiń alǵashqy qylmysy 1978 jyly tirkelgen. Ol jumystan qaıtyp bara jatqan jas áıeldi óltirip, onyń qanyn ishkeni týraly derekter bar. Odan bólek, máıitpen jynystyq qatynasqa túsip, etin alyp ketip, tamaq retinde paıdalanǵan degen aıyptaýlar da bar. Resmı málimetterde onyń 57 adamdy óltirgeni aıtylsa, mamandar bul sannyń shyndyǵynda áldeqaıda kóp bolýy múmkin ekenin alǵa tartady.

Sottalmaǵan manák

Psıhologtardyń aıtýynsha, Jumaǵalıev sıaqty tulǵalar Qazaqstan zańnamasy boıynsha sottalmaıdy. Olardyń psıhıkalyq aýytqýlary bar dep eseptelip, tek respýblıkalyq psıhıatrıalyq aýrýhanalarǵa jatqyzylady. Aýrýhana qyzmetkerleri Jumaǵalıevti «eń tártipti emdelýshimiz» dep sıpattaıdy. Onyń psıhoemosıonaldy jaǵdaıy turaqty jáne ol kóp sóılemeıtin kórinedi.

Mamandar shızofrenıamen aýyratyn adamdardy anyqtaýdyń qıyndyǵyn atap ótedi. Sebebi, naýqastar óte qalypty kórinýi múmkin. Jumaǵalıevtiń ózi de alǵashqyda psıhıkalyq aýrý retinde tanylmaǵan. Tergeý kezinde ol suraqtarǵa naqty ári oryndy jaýap bergen.

«Men álemdi tazartýshymyn»

Shızofrenıanyń keıbir túrlerinde naýqastarda «men qoǵamdy zulymdyqtan tazartyp júrmin» degen oı qalyptasady. Jumaǵalıev te óziniń qyzdarǵa shabýyldaýyn osylaısha aqtaǵan. Reseılik psıhıatrlar júrgizgen saraptama onyń shızofrenıamen aýyratynyn naqtylaǵan. Alaıda, ol jasaǵan qylmystaryn moıyndamaǵan jáne ótken oqıǵalar týraly eshkimge eshteńe aıtpaǵan. Ol ózin «jalǵan qujatpen qamaldym» dep sanaıdy.

Kúndelik pen qaýeset

Qazir 73 jastaǵy Nıkolaı Jumaǵalıev Aqtastaǵy aýrýhanada kúndelik jazýmen aınalysady. Alaıda, onyń ne jazǵany belgisiz, kúndeligi eshkimge oqylmaǵan. Keıbir qaýesetterge súıensek, ol bostandyqqa shyqqan soń kitabyn jaryqqa shyǵarǵysy keledi eken.

Mundaı aýyr psıhıkalyq aýrýy bar, asa qaýipti qylmyskerlerdi qoǵamnan oqshaýlaý jetkilikti me, álde zańnamany qaıta qaraý kerek pe degen suraq týyndaıdy. Bul máselege naqty jaýap berý qıyn bolǵanymen, adamzattyq jáne quqyqtyq turǵydan mundaı jaǵdaılar eskerýsiz qalmaýy tıis.