InfoHub Logo

Úılenip, otbasy qurǵan alǵashqy kúnderi endi budan keıin ómirdiń biz úshin erekshe bolatynyna ózimizdi sendiremiz. Keıin bálkim kishkentaıymyz bolǵanda jaqsy ómir bastalar dep oılaımyz. Keıin olar óskende naǵyz baqytqa jetsek kerek dep qoıamyz. Sol sıaqty eseıgende, oqýdy bitirgende, jumysqa turǵanda, jańa kólik alǵanda, demalysqa shyqqanda, zeınetke shyqqanda degendeı ár jańa ózgeriske qol jetkizgende ómirdiń rahatyna, baqytyna qaýyshatynymyzdy úmittenemiz.

^{© Sýret : Pascal Campion}

Bulaı oılaýymyz baqytqa alyp baratyn joldyń bul emestigin kórsetedi. Al negizgi shyndyq bolsa, naǵyz baqyttyń tap qazirgi kúnderden basqasy emestigi.

Eger buǵan kelispeıtin bolsaq, onda qaı ýaqyt?... Ómirimizdiń barlyq kezeńi kúreske toly bolary kúmánsiz. Olaı bolsa, eń durysy shyndyqty ózi boıynsha qabyldap, ár kezeńniń ózine tán baqytyn kóre alý.

^{© Sýret : Pascal Campion}

Alfred D’Soýza bylaı degen eken: «Uzaq ýaqyttan beri baqytty ómirimniń (jańa, shyn ómirdiń) bastalýyn kútýde edim. Biraq qashanda jolymda bir kedergi, jetý kerek bolǵan maqsat, bitpeı qalǵan tirlik, ótelý kerek bolǵan qaryz, kútpegen jumystar shyǵyp turdy. Al meniń oıymsha naǵyz ómir sodan keıin bastalýy kerek edi. Alaıda sol kedergilerdiń bári meniń ómirim ekenin sońynda túsindim...»

^{© Sýret : Pascal Campion}

Olaı bolsa, tap qazirgi qolymyzdaǵy árbir sáttiń, ómir súrip jatqan árbir kúnniń qadirin bileıik!... Ýaqyt eshkimdi kútpeıdi, sony umytpaý kerek. Baqytty bolý úshin qandaı da bir erekshe kezeńderdiń kelýin, sharttardyń oryndalýyn bosqa kútpeı, qaı kezeńde bolsaq ta baqytty bolýǵa mán berip kóreıik.

^{© Sýret : Pascal Campion}

---