InfoHub Logo

Ádeptilik - tárbıe bastaýy (prezentasıasymen)
Maqsaty: Oqýshylardy adamgershilikke, qarapaıymdylyqqa, kishipeıildilikke, ádeptilikke, óz halqynyń salt - dástúrin úırene otyryp, jaman ádetten aýlaq bolýǵa tárbıeleý.
Kórnekiligi: qupıahat, alma aǵashy, AKT

Sabaqtyń barysy
Uıymdastyrý bólimi
Psıhologıalyq daıyndyq. Qane, balalar bárimiz bir - birimizge sáttilik tilep, ár oqýshy óziniń atynyń birinshi árpinen bastalatyn boıyndaǵy jaqsy qasıetterimizdi aıtaıyq.
Endi balalar, topqa bóliný úshin myna fıgýralardy tańdaıyq.
Jaraısyńdar balalar, endi ornalasyp bolsaq taqtaǵa nazar aýdaraıyq.

Jospary:
1. «Ádeptilik jemisi»
2. «Bóshkeden shyqqan basqatyrǵylar»
3. «Sıqyrly sózder»
4. Este saqtaý mınýty
5. Sózjumbaq
Muǵalim: Búgingi zaman adamy segiz qyrly, bir syrly bolyp ósýi kerek. Onyń eń bastysy - oqýshylar úshin ádeptilik. Biz synypqa kirgende ádeptiliktiń birinshi erejesin baıqaǵan bolatynbyz. Ol qandaı ereje?
- Biz bir - birimizben amandastyq.
- Amandasý – ár halyqtyń mádenıetiniń alǵashqy betashary.
Ásempaz bolma árnege,
Ónerpaz bolsań arqalan.
Sen de bir kirpish dúnıege,
Ketigin tap ta, bar qalan,- dep Abaı atamyz aıtqandaı kishige meıirimdi, dosyńa qaıyrymdy, eńbeksúıgish, shynshyl da qamqor bolsań, óse kele ata - anańnyń, Otanyńnyń maqtanyshy bolasyń.
Endeshe myna taqtada «Ádeptilik jemisi»ilingen, almalarda suraqtar jasyrylǵan, soǵan jaýap bereıik.

I bólim Boı sergitý
1. Dosqa qalaı bolý kerek?
2. Ádeptilikti bizge kim úıretedi?
3. Ádeptilik týraly maqal aıt?
4. Ózińe kórsetilgen izetke, jasalǵan iltıpatqa, syıǵa ne aıtý kerek?
5. Úzilis kezinde dálizde qalaı júrý kerek?
6. Kópshilik oryndarda, kóshede, avtobýsta óz - ózińdi qalaı ustaý kerek?
7. Ádepti bala qandaı bolý kerek?
8. Qoshtasar sátte qandaı nıet bildiresiń?
9. Ádepsiz bala qandaı bolady?

II bólim «Bóshkeden shyqqan basqatyrǵylar»
Top músheleri qapshyqtan nómirleri bar sharlardy alyp shyǵady. Muǵalim ár balaǵa jalǵastyr oıynyn túsindiredi. Óz ishinde talqylaǵan soń top basshylary jaýap beredi.
1. Úlkenderdiń aldynan – (kesip ótýge bolmaıdy.)
2. Kishkene balany - (jylatýǵa bolmaıdy)
3. Qustardy – (atýǵa bolmaıdy.)
4. Qyz balany – (syılaý kerek.)
5. Sabaqtan - (keshigýge bolmaıdy.)
6. Dosqa – (kómektesý kerek)
7.
III bólim «Sıqyrly sózder»
Muǵalim: Kez kelgen jaǵdaıda áýeli boıyńa ashý shaqyrmaı, sabyrly bolǵan jón. Qatty ashýdy taratatyn sıqyrly sózder bolady eken. Olardyń qandaı sózder ekenin berilgen sıqyrly konvertterden bilemiz. Konvertte sıqyrly sózder jazylǵan. Mysaly keshirińiz, rahmet t. b. Sol sózderge ómirden kórinis keltirý.

IV Este saqtaý mınýty
Myna áripterden adam boıyndaǵy jaqsy jaman qasıetterge baılanysty sózderdi taýyp jaz.
Ldaa, qlaas, zómiishl, ketten, ititpárt, zispitrtá, ytpyqu, zsypyqu
Jaýaptary:
Adal, salaq, ózimshil, tentek, tártipti, tártipsiz, uqypty, uqypsyz

V Sózjumbaq
Myna óleń shýmaqtarynan «F» árpin syzyp tastap oqysań Ermek Ótetileýovtiń «Ádeptilik álemi» óleńiniń shýmaqtaryn oqı alasyńdar.

Ádeptilik álemi
Qarsy al erte kún kózin,
Tósegińdi jına óziń.
Asyqpaı ish tamaqty,
Jalama aıaq - tabaqty.
Pyshaqty usta oń qolmen,
Shanyshqyny sol qolmen
Nandy úgitpe, qadirle,
Qabyǵymen bárin je.
Saýsaǵyńdy sormaǵyn,
Saldyr - salaq bolmaǵyn
Ádet qyl bul isińdi -
Tazalap júr tisińdi.

Jaraısyńdar balalar endi sabaǵymyzdy qorytyndylaı kele «ádeptilik» erejesin quraıyq
Ádeptilik erejesi:
1. Sálemdesý
2. Úlkendi syılaý, kishige qamqor bolý
3. Úlkenge jol berý, avtobýsta oryn berý
4. Tabıǵatty aıalaý, qamqor bolý

Qorytyndylaý
Muǵalim:
Qıpaqtaıdy qıt etse, anań, ákeń
Qaıtsem ǵana osyny adam etem
Basqalardyń osyndaı balalary
Tap osyndaı jańǵalaq bolar ma eken?- dep M. Álimbaev aǵamyz aıtqandaı, ata - anamyzdy renjitpeı ádepti bala bolaıyq.
Osymen tárbıe saǵatymyz aıaqtaldy. Nazar qoıyp tyńdaǵandaryńyzǵa rahmet. Saý bolyńyzdar.