InfoHub Logo

Sabaqtyń taqyryby: «Úıde qaýipsizdik saqtaý tártibi» (prezentasıasymen)

Sabaqtyń maqsaty: Oqýshylarǵa taqyrypty meńgertý.
a) oqýshylarǵa úıdegi qaýipti zattarmen, qaýipsizdik jaǵdaılarmen tanystyrý jáne olardan saqtana bilýge úıretý.
á) oqýshylardyń adamgershilik qasıetteriniń damýyna jaǵdaı jasaý, sózdik qoryn, oı - órisin damytý.
b) otbasy qamqorlyǵymen qatar óz basyn durys ustap júrýge tárbıeleý.
Sabaqtyń túri: Aralas sabaq
Sabaqtyń ádisi: Suraq - jaýap, túsindirý
Kórnekiligi: ınteraktıvti taqta, slaıd, jumbaqtar, mazmundy sýretter, 101, 102, 103, 104 telefondary jazylǵan kartochkalar.

Sabaqtyń barysy:
I. Uıymdastyrý bólimi.
- Balalar men amandasý, oqýshylardyń nazaryn sabaqqa aýdarý. - Biz qaı sabaqqa daıynbyz? Bir - birimizge qarap sáttilik tileımiz.
Psıhologıalyq daıyndyq
Qaıyrly kún dep aıtamyz,
Túste birge qaıtamyz.
Otbasynyń gúlimiz,
Birge óter kúnimiz.
Synybymyz tap - taza,
Borda daıyn taqtada.
Oıymyzdy jınaqtap,
Otyraıyq partaǵa.

II - Úı tapsyrmasyn tekserý
a) meken - jaılaryn suraý
á) óz bólmeleri týraly áńgimeleý
b) úıde qandaı jumystardy atqarasyńdar, t. b?
Qyzyǵýshylyǵyn oıatý
Jumbaqtardy sheshý
Júrgen jerin jalmaıdy,
Tastan basqa qalmaıdy. (ot)

Jaıda únsiz turady,
Bireý kelse tez jet dep,
Qońyraýdan urady,
Dabyl qaǵyp bezektep. (telefon)

Toqqa tıse murty uzyn,
Tabanymen jazyq.
Kıimderdiń qyrtysyn,
Beredi tez jazyp. (útik)

III Jańa sabaqty túsindirý
- Sózjumbaq sheshiledi.
- Suraqtar arqyly, balalardyń oılary, pikirleri, jaýaptary tyńdalady.
- Balalar qandaı, quraldarmen úılerinde jumys isteıdi, úlkenderge qandaı eńbek túrleri boıynsha kómektesedi, ata - analary joq kezde ózderin qalaı ustaıtyny jaıynda keńinen áńgimelesedi. Olar eger turmystyq quraldardy durys qoldanbaǵan jaǵdaıda qandaı jaǵdaılar bolatynyn aıtady.
- Balalar, turmystyq quraldardy durys qoldanbaýdan basqa taǵy qandaı qaýipti jaǵdaılar bolýy múmkin?
- Osy quraldardyń bárin adamdardyń ózderiniń ýaqytyn únemdeý úshin jáne qolaıly bolý úshin oılap tapty. Biraq olar nege úlken qaıǵyly jaǵdaılarǵa dýshar etedi?
- Osy suraq tóńireginde balalardyń jaýaptary tyńdalady.

Sergitý sáti
Tabıǵatym tamasha,
Kóz toımaıdy qarasa.
Tabıǵatty qorǵaımyz,
Jaman bala bolmaımyz.

Oqýlyqpen jumys.
- mátindi oqý
- mazmunyn aıtqyzý
- taldaý jasatý

- Oqýlyqtaǵy sýretterge muqıat qaraımyz. Qandaı qaýipti kórinister beınelengen? Osy qaýipti jaǵdaılardy boldyrmas úshin ne isteý kerek?
- Sonymen birge sol sýretterge baılanysty berilgen mátinder boıynsha mátinder oqylyp, talqylanady.
- Baqylaý kúndeligimen jumys. Jumysty taldaý.
«Qaýipti jaǵdaı» óz oılaryn erkin jetkizý. Balalardyń pikirin tyńdaý.
Úıdegi qaýipti zattar slaıd

Sabaqty qorytyndylaý:
- Balalar, bizder búgin qandaı erejelermen tanystyq?
- Kúndelikti kórip júrgen ne úshin qaýipti bolady?

Venn dıagramsy
Baǵalaý
Úıge tapsyrma: mátindi túsinip oqý, qaýipti zattarǵa 2 maqal jazyp jattap kelý.