InfoHub Logo

Qaırat Nurtastyń anasy, prodúser Gúlzıra Aıdarbekova nemeresi Alaýǵa qatysty aıtylǵan keıbir syndy pikirlerge jaýap berdi. Ol áleýmettik jelidegi paraqshasynda jazǵan oılarynda, keıbir adamdardyń jas balanyń júregine aýyr tıetin sózder aıtýyna qynjylysyn bildirdi.

Bul týraly Infohub.kz aqparat agenttigi habarlaıdy.

Aıdarbekovanyń aıtýynsha, «Pálensheniń nemeresi, túgensheniń qyzy» dep Alaýdy tildeý oǵan qatty batqan. Ol adamdardyń ishki dúnıesiniń taza bolýy mańyzdy ekenin atap ótti. «Qandaı perzentimiz bolsa da, ishki dúnıesi adalynan bolsyn. Nebir syrt kózge sypaıy, kerek deseńiz, oramalmen de kórip jatyrmyz, biraq beti jyltyr, ishi qyltyr jandar da bar. Bastysy – urpaǵymyzda ekijúzdilik bolmasyn», – dep jazdy prodúser.

Qoǵamdaǵy jaǵymsyz ádetter

Gúlzıra Aıdarbekova qoǵamdaǵy bireýdiń jetistigin kóre almaý, ósek aıtý sıaqty jaǵymsyz ádetterdiń jıi kezdesetinin de tilge tıek etti. Ol mundaı minez-qulyqty «eń aýyry» dep atap, «Bizde eń aýyry – bireý alǵa shyqsa, aıaqtan tartý óte kóp, ósek bitpeıdi», – dedi.

Prodúser nemeresi Alaýdyń bolashaqta alaýlaǵan jalyndy, qaısar qyz bolyp, búkil qazaq eliniń maqtanyshy bolýyn tilep, «Alla qabyl etsin!» dep tilegin jetkizdi.