InfoHub Logo

Abaı oblysynda áıeldiń isi qaıta qaraldy. Ol kúıeýine shabýyldaǵan er adamdy óltirgeni úshin sottalǵan bolatyn.

Bul týraly Infohub.kz aqparat agenttigi habarlaıdy.

Qylmystyq ister jónindegi kasasıalyq sottyń habarlaýynsha, oqıǵa 2024 jyldyń shildesinde bolǵan. İs materıaldaryna sáıkes, áıel jubaıyn qutqarýǵa tyrysqan. Konflıkt kezinde shabýyldaýshy er adam onyń moınyn aıaǵymen basyp, býyndyrǵan. Sol kezde áıel aǵash kesegimen er adamnyń basynan urǵan. Soqqydan shabýyldaýshy qaza tapqan.

Birinshi satydaǵy sot qazaqstandyqty jábirlenýshiniń abaısyzda ólimine ákep soqtyrǵan qasaqana densaýlyqqa aýyr zıan keltirgeni úshin kináli dep tanyp, 6 jyl bas bostandyǵynan aıyrý merzimin taǵaıyndady. Sondaı-aq, ol moraldyq zıandy óteý úshin 3 mıllıon teńge tóleýge mindetteldi. Apelásıalyq sot úkimdi ózgertpedi.

Qajetti qorǵanys sheginen asyp ketti

Kasasıalyq sotta qorǵaýshy tarap áıeldiń kúıeýin qorǵaý úshin áreket etkenin jáne onyń áreketteri jeńil baǵalanýy kerek ekenin alǵa tartty.

Kasasıalyq sot onyń jubaıyn qorǵaǵanyn moıyndady. Alaıda, sýdıalar qajetti qorǵanys sheginen asyp ketkenin – aýyr zatpen basynan urǵanyn atap ótti.

Sonymen qatar, sotta jeńildetetin mán-jaılar eskerildi: ókiný, kámeletke tolmaǵan balanyń bolýy, III toptaǵy múgedektik, sondaı-aq janjaldy marqumnyń ózi týdyrǵany.

Nátıjesinde, is jeńil bapqa qaıta jiktelip, 1 jyl bas bostandyǵynan aıyrý jazasy taǵaıyndaldy. Bul merzimdi áıel ótep qoıǵandyqtan, ony sot zalynan bosatty.