InfoHub Logo

Belgili ánshi Sáken Qalymov óziniń jeke ómiri men otbasylyq qarym-qatynastary týraly buryn estilmegen málimetterdi bólisti. Óner ıesi jastyq shaqtaǵy qatelikteri men otbasynyń qadirin kesh túsingenin moıyndap, búgingi ómirine shúkirshilik etetinin jetkizdi.

Bul týraly Infohub.kz aqparat agenttigi habarlaıdy.

Ókinishti ómir joldary

«1001» baǵdarlamasyna bergen suhbatynda Sáken Qalymov óziniń jastyq shaqtaǵy ómir salty týraly ashyq aıtty. Ol kezdegi ortasy men serilikke ulasqan ómirdiń otbasy qundylyqtaryn baǵalaýǵa múmkindik bermegenin moıyndady. Ánshiniń aıtýynsha, eń ókinishtisi – jary men balasynyń qadirin bilmeı, ajyrasýy.

«Qazirgi tańda men namaz oqyp, din jolynda júrmin. Burynǵy qatelikterimdi Allanyń synaǵy dep bilemin. Ózimdi kinálimin dep esepteımin, eshkimge syltaý aıtpaımyn. Ortamyz solaı boldy, azannan keshke deıin qolymyzda stakan boldy. Sol kezde otbasyma kóńil bóle almadym», – dedi ánshi.

Ulymen qarym-qatynas úzilgen

Sáken Qalymov qazirgi ýaqytta ulymen arada baılanys joq ekenin de jasyrmady. Degenmen, ol ulynyń renishin túsinetinin jáne keleshekte keshirim surap, jaqyndasýǵa úmittenetinin bildirdi.

«Ázirge ulymmen múldem baılanys joq. Olardyń ókpesin túsinemin, renjimeımin. Bir kúni kezdesip, keshirim surap, kóńilderin aýlap qalarmyn degen senimdemin. Birinshi áıelimnen ulym, ekinshi áıelimnen qyzym bar. Qyzymmen aralasyp turamyz», – dep qosty ánshi.

Buǵan deıin ánshiniń ótken ómirindegi qatelikteri men burynǵy jubaıy men balasynyń aldyndaǵy ókinishin jasyrmaǵany týraly da jazylǵan bolatyn.