InfoHub Logo

Tanymal ázilkesh Tursynbek Qabatovtyń jubaıy Aıman Talǵatqyzy áleýmettik jelide ózine aıtylǵan synǵa jaýap berdi. Ol brend kıimge qatysty kózqarasyn ashyq bildirdi.

Bul týraly Infohub.kz aqparat agenttigi habarlaıdy.

Jeli qoldanýshylarynyń biri Aıman Talǵatqyzynyń kıim úlgisin synap, "ústińizden brendtiń bireýin kórmedim, bazar ǵoı" dep pikir qaldyrǵan bolatyn. Alaıda, Aıman Talǵatqyzy bul pikirge sabyrmen jaýap berip, adam mindetti túrde qymbat brend kıýi kerek degen túsinikpen kelispeıtinin jetkizdi.

Kıim baǵasy emes, jarasymdylyǵy mańyzdy

«Endi kádimgi adam emespiz be? Nege brend kıýim kerek? Maǵan ol maqtanysh nemese dáreje emes», - dep jazdy ol.

Aıman Talǵatqyzynyń aıtýynsha, adamnyń stıli kıimniń baǵasymen nemese tanymal belgisimen ǵana ólshenbeıdi. Eń bastysy – kıimniń jarasýy, jınaqylyq jáne adamnyń óz talǵamy.

«Brend shyǵaratyndardyń ózi sol brendti kımeıtinin bilesiz be? Sen ne kıseń de úılese ketse, demek, sen brendsiń!» - dedi ol.

Jeli qoldanýshylarynyń bir bóligi onyń bul jaýabyn qoldap, qarapaıymdylyq pen talǵam qymbat kıimnen mańyzdy ekenin atap ótti.