InfoHub Logo

Aıtysker aqyn Balǵynbek Imashevtyń uly, «Qazaq Travel» kompanıasynyń atqarýshy dırektory Danıar Imashevqa qatysty alaıaqtyq deregi boıynsha qylmystyq is qozǵaldy. Bul týraly Infohub.kz jazady.

Mekkege qajylyqqa barýǵa nıet bildirgen bir top azamat «Qazaq Travel» kompanıasyna aldyn ala tólem jasap, saparǵa daıyndalǵan. Alaıda, ushýǵa bir kún qalǵanda kompanıa tarapynan reıstiń bolmaıtyny týraly habarlama alǵan. Klıentterdiń aıtýynsha, kompanıa bul jaıly aldyn ala eskertpegen jáne naqty túsinikteme de bermegen.

Qazirgi ýaqytta 50-ge jýyq azamat polısıaǵa shaǵym túsirgen. Qylmystyq is aıasynda úsh kúdikti anyqtalyp, olardyń biri – Danıar Imashev. Polısıa tergeý amaldaryn júrgizip jatyr.

Balǵynbek Imashev bul máselege qatysty pikir bildirip, ushaq pen qonaqúı baǵalarynyń kúrt ósýi qıyndyqtar týǵyzǵanyn aıtyp, bul jaǵdaıdyń alaıaqtyq emes ekenin málimdegen.

Alaıda qajylyqqa bara almaǵan azamattar tólengen qarajattyń qaıtarylýyn talap etip otyr. Olar «Qazaq Travel» kompanıasynyń basqa azamattardy da qıyn jaǵdaıǵa qaldyrmaýyn suraıdy.

Polısıa departamenti tergeý nátıjeleri boıynsha tıisti sheshim qabyldanatynyn habarlady.