InfoHub Logo

Ájetaı! Áýletimizdiń kıesi, barlyǵymyzdyń aqylshymyz, shańyraǵymyzdyń berekesin kirgizip otyrǵan asyl jan ózińizsiz!

Belińiz qaıysqansha eńbek etip, qanattyǵa qaqtyrmaı, tumsyqtyǵa shoqtyrmaı, meıirimińizdi tóge júrip kútip-baptap ósirgen ul-qyzdaryńyz órken jaıyp, búginde bir-bir shańyraqty qurap, ósip-óndi — qara ormanǵa aınaldy. Sol úshin urpaqtaryńyz sizge máńgi qaryzdar. «Anasy bar adamdar eshqashan qartaımaıdy» — deıdi. Alla sizge kúsh — qýat bersin! Ul — qyzdaryńyz ben nemere-shóberelerińizdiń ortasynda árdaıym júzińizden shýaq shashyrap, qyzyǵyna toımaı júre berińiz!

Aq aıdynǵa salyp baqyt kemesin,
Jarqyn júzben qýanyshpen kelesiń,
Qutty bolsyn jetpis besiń, Ájetaı,
Ózińizdi bir qudaıym demesin.
Báıtereksiz japyryǵy jaıqalǵan,
Barsha jurtqa jaqsylyǵyń baıqalǵan.
Esen bolsyn urpaǵyńyz kóringen.
Án qalyqtap, kúı tógilsin tórińnen,
Baq ornasyn árdaıym basyńyzǵa.
Jas qosylsyn, Ájetaı, jasyńyzǵa,
Otbasyna qýanysh syılap talaı,
Amandyqpen jetińiz júzge qaraı!

* * *

Tileýimdi tilegen, erkeligimdi kótergen, men aýyrsam — jany aýyrǵan, kórmeı qalsa saǵynǵan asyl ájetaıym! Kóńili keń, júregi meıirimdi, keýdesi qazyna, sózi qasıetti aq ájem meniń! Nurly júzińe jarasqan aq jaýlyǵyńnan, nemeresin barlyǵynan artyq jaqsy kórgen ystyq yqylasyńnan aınaldym!

Bar táttini aýzyma tosyp, bar jaqsyny ústime kıgizip, erkeletip ósirgen, qyzyq ertegisi men aqyl-ósıetin qulaǵyma quıýdan jalyqpaǵan dana ájem meniń. Árqashan ortamyzda osylaı urpaqtaryńnyń qyzyǵyna kenelip júre ber! Jasyńyz uzaq bolsyn, aýyrmańyz!

Ájetaı, nurǵa tolsyn júzińiz,
Qýanyńyz, shattanyńyz, kúlińiz.
Tirshiliktiń qyzyǵyna bólenip,
Aman-esen ortamyzda júrińiz!
Merekeń uzaǵynan bola bersin,
Úı-ishiń nemere, shóberege tola bersin!

---