(Eske alý)
Attanarda alys jolǵa,
Tapsyrdy ákem amanatyn.
Sert etip men de aldym qolǵa,
Ákemniń bergen «asyl zatyn»
Sustandyrǵan sýyq lebi,
Soǵys jyly, qystyń kezi.
Ákem sonda aımalap meni,
Amanat etken mynaý edi sózge
«Tyńda, balam, tyńda, kúnim
Bolýǵa jara qolqanat!
Kári anań, sábı iniń,
Barlyǵy saǵan amanat!
Men de seniń on jasyńda,
Atadan jetim qalǵanmyn.
Asa aqyldy bolmasam da,
Amanatyn alǵanmyn.
Sanamda sińip, saqtalyp,
Ákeńniń sózi ólmegen.
Bolǵansha kashan aqtalyp,
Turatyn bel bop kóldeneń.
Talpyn ómir shyńyna,
Jetip te múmkin qalarsyń!
Anańnyń aýyr muńyna
Sergitkish sebep bolarsyń!
Sen jas býyn, jańa tal,
Gúliń de ósip shashyrar.
Sarylyp oqyp, bilim al,
Sóngenshe sáýleń asyrar»
Dep jan ákem attanyp
Ketti qaıta aınalmaı.
Tek sol sózi jattalyp,
Júregimde qalǵandaı.

---