InfoHub Logo

Mektep bitirgennen keıin túlekter aldynda olardyń ómirindegi eń mańyzdy sheshimderdiń biri - oqý ornyn tańdaý tur. Árbir adam óz mamandyǵyn sanaly túrde tańdap, bolashaqta kim bolǵysy keletinin ózi úshin sheshýi kerek. Men de elimizdiń barlyq joǵarǵy oqý oryndaryn uzaq saraptadym, meniń nazarym ál-Farabı atyndaǵy Qazaq ulttyq ýnıversıtetine toqtady.

Bul mekeme kóp jyldyq oqý jáne ǵylymı jumys tájirıbesine baı.

Shyǵystyń ataqty fılosofy, oıshyl Ábý Nasyr ıbn ál-Farabıdyń esimimen atalatyn ál-Farabı atyndaǵy Qazaq Ulttyq Ýnıversıteti elimizdegi aldyńǵy qatarly jetekshi joǵarǵy oqý orny, sondaı –aq elimizdiń iri bilim jáne ǵylymı ortalyǵy bolyp tabylady.

Ál-Farabı atyndaǵy Qazaq ulttyq ýnıversıteti - Qazaqstan Respýblıkasyndaǵy úzdik joǵary oqý oryndarynyń biri. 1934 jyldyń 15 qańtarynda irgetasy qalanǵan ýnıversıtet – qazirgi tańda 180 sala boıynsha mamandar daıarlaıdy. Ýnıversıtet quramynda 16 fakúltet, 67 kafedra, 32 ǵylymı-zertteý ınstıtýty men ortalyqtar, tehnopark qyzmet atqarady.

Ál-Farabı atyndaǵy QazUÝ – Qazaqstan JOO basty reıtıńisi boıynsha kóshbasshy, memleketimizdiń tarıhynda birinshi bolyp Qazaqstan Respýblıkasy Prezıdentiniń «Sapa salasyndaǵy jetistikteri úshin» syılyǵynyń laýreaty, TMD-nyń «Qyzmetter men ónim sapasy salasyndaǵy jetistikteri úshin» syılyǵynyń dıplomaty boldy. Tek elimizde ǵana emes, basqa elderde de tanylǵan. Mysaly, Ál-Farabı atyndaǵy QazUÝ Ortalyq Azıa JOO-darynan jalǵyz bolyp QS «World University Rankings» halyqaralyq baǵyndyrdy. Atalmysh topqa postkeńestik aımaqtan tek eki ýnıversıtet: QazUÝ jáne Lomonosov atyndaǵy Máskeý memlekettik ýnıversıteti (RF) endi.

Ýnıversıtet bilim alýshy tulǵanyń jan-jaqty damýyna, ózin-ózi kemeldendirýine qajetti jaǵdaı jasaý úshin bar kúsh-jigerin salyp, stýdenttik ózin-ózi basqarýǵa, kóshbasshylyq qasıetterdi tárbıeleýge mol múmkindikter týdyrýda.

QazUÝ 400-den astam sheteldik ýnıversıtettermen yntymaqtastyq týraly kelisim jasaǵan. Osy negizde magıstrant, doktoranttarǵa eki adamnyń jetekshilik etý tájirıbesi keńinen óristep otyr. Bir ǵylymı jetekshi Qazaqstannan bolsa, ekinshisi – shetel JOO-daǵy belgili ǵalym. Osynyń bári de QazUÝ stýdentteri úshin halyqaralyq deńgeıde oqyp, zertteýler júrgizýge laıyqty jol ashady.

Ýnıversıtet joǵary bilikti mamandardy daıarlaýǵa, álemdik bilim berý keńistigine kirigýge, irgeli jáne qoldanbaly zertteýlerdi damytýǵa, olardy óndiriske engizýge baǵyttalǵan bilim berý, ǵylymı, rýhanı-tárbıelik, ınovasıalyq jáne óndiristik áleýetke ıe.

Sondaı-aq ýnıversıtettiń oqý ómirinen tys tolyq qandy ómir de bar. QazUÝ-da 6-ǵa jýyq stýdenttik uıym jumys isteıdi, olar túrli taqyryptyq baǵyttarmen, kórkem qyzyǵýshylyqtan bastap, ǵylymı jobalardy qurýmen aıaqtalady. Árbir uıymda ózindik erekshe shyǵarmashylyq atmosfera bar. Olarǵa kire otyryp, siz kóptegen jańa tanystar, emosıalar jáne, árıne, jańa bilim alasyz.

Qorytyndylaı kele, 1934 jyldan bastap ýnıversıtettiń ashylýynan bastap, búgingi kúnge deıin QazUÝ Qazaqstannyń kóptegen reıtıńterinde óziniń alǵashqy pozısıasyn saqtap keledi. Ál-Farabı atyndaǵy Qazaq ulttyq ýnıversıtetiniń túlekteri memlekettik apparatta joǵary qyzmet atqarady, memleketimizdiń barlyq salalarynda, kóptegen tanymal kompanıalarda elimizdiń órkendeýi úshin eńbek etedi.

Búgingi talapker – táýelsiz Qazaqstan Respýblıkasynyń damýyna óz úlesin qosar erteńgi el azamaty. Osyndaı bilim ordasynda oqý- árbir túlektiń armany desek qatelespeıtin shyǵarmyz. QazUÝ www.kaznu.kz árbir stýdentke sapaly bilim, esten ketpes stýdenttik ómir, keremet múmkindikter syılaıdy. Men osy bilim ordasynda oqyp jatqanyma óte qýanyshtymyn jáne talapkerlerge, bolashaq túlekterge de durys tańdaý jasaýǵa keńes beremin.

Ál-Farabı atyndaǵy QazUÝ, aǵa oqytýshysy Ý.A. Týngatova,  Dintaný mamandyǵynyń stýdenti Qýandyq Aıajan

---