InfoHub Logo

Qazaqstannyń birinshi raketkasy, álemniń 10-shy raketkasy Aleksandr Býblık Jenevadaǵy ATP 250 týrnıriniń fınalyna shyǵa almady. Ol jartylaı fınalda amerıkalyq Lórner Tenge (álemdik reıtıńte 20-orynda) úsh sette ese jiberdi: 6:1, 4:6, 7:6(5).

Bul týraly Infohub.kz aqparat agenttigi habarlaıdy.

Úshinshi sheshýshi sette Býblık 2:0 esebimen alǵa shyqqanymen, basymdyqty ustap qala almady. Taı-breıkte jeńilip, fınalǵa shyǵý múmkindiginen aıryldy.

Machtyń statısıkasy

Kezdesý 1 saǵat 37 mınýtqa sozyldy. Osy ýaqyt ishinde qazaqstandyq tenısshi 10 eıs jasap, 5 qos qate jiberdi. Al amerıkalyq qarsylasy 1 eıs pen 5 qos qate jasady.

Fınaldaǵy kezdesý

Fınalda Ten argentınalyq Marıano Navonemen (42-shi raketka) kezdesedi. Navone ekinshi jartylaı fınalda norvegıalyq Kasper Rýýdty (17-shi raketka) 7:5, 6:2 esebimen jeńdi.

Buǵan deıingi oıyndar

Shırek fınalda Býblık álemniń 24-shi raketkasy, fransýz Artýr Rınderkneshpen kezdesip, alǵashqy sette 5:7 esebimen jeńilgenimen, keıin ekinshi jáne úshinshi setterde 6:4, 6:2 esebimen basym túsip, 2:1 esebimen jeńiske jetken bolatyn.

Týrnırdiń júlde qory

ATP Gonet Geneva Open týrnıriniń jalpy júlde qory – 612 myń eýrony quraıdy. Jeńimpaz 93 myń eýro alady. Ótken jyly bul týrnırde serbıalyq tenısshi Novak Djokovıch top jarǵan edi.