InfoHub Logo

Kúresshiler arasynda eń uzaq beldesý 11 saǵatqa soǵylǵan. Esterińizge sala keteıik, qazirgi ýaqytta, kúshtini anyqtaý úshin, atletterge barlyǵy  12 mınýt beriledi.

Bul oqıǵa sonaý 1912 jyly Stokgolmde ótken jazǵy olımpıada oıyndarynda oryn alǵan. Jartylaı fınaldyq kezdesýde kilemde eston jigiti Martın Kleın men fın palýany Alfred Asıkeınen kezdesti. Álem chempıony fın palýanynyń osal qarsylas emes ekenin uqqan Martın Kleınge jeńiske jetý úshin, kóp ter tógýine týra keldi.

Jalpy, bul kezdesý 11 saǵat 40 mınýtqa sozyldy, aradaǵy kishkene úzilisterdi alyp tastaǵanda, taza ýaqyty 10 saǵat 15 mınýtty qurady. Tóreshiler  jeńiske eston kúresshisin laıyq dep tapty, biraq, Martın Kleın fınaldyq kezdesýden bas tartty. Buǵan sebep, týrnır erejesi boıynsha, altyn alqany sarapqa salý - dereý kelesi kúni ótýi tıis bolatyn. Eston palýany kúsh-jigeri taýsylýyna baılanysty, kúmiske razy boldy.

---