Photo: Ayazhan (https://www.pexels.com/@ayazhan-3173683) / Pexels
Álemge tanymal akter AQSH-ta qastandyq qurbany boldy
Amerıkalyq akter Djeıms Hendı Los-Andjeleste jasalǵan shabýyl saldarynan qaza tapty. Bul týraly jergilikti basylymdarǵa silteme jasap habarlanyp otyr.
Bul týraly Infohub.kz aqparat agenttigi habarlaıdy.
Oqıǵa 3 maýsym kúni tańerteń Los-Andjelestiń Tarzana aýdanynda bolǵan. Polısıaǵa «jańa ǵana kúnáli adamdy óltirdim» degen qońyraý túsken. Oqıǵa ornyna kelgen tártip saqshylary 81 jastaǵy akterdi óz úıiniń aýlasynan pyshaq jaraqattarymen tapqan. Hendı aýrýhanaǵa jetkizilgenimen, dárigerler onyń ómirin saqtap qala almady.
Kúdikti ustaldy
Kisi óltirdi degen kúdikpen 44 jastaǵy Maıkl Gledhıll ustaldy. Tergeý barysynda Gledhıll óziniń izdeýde júrgen adam ekenin moıyndaǵan. Oǵan kisi óltirý boıynsha aıyp taǵylyp, kepil somasy 2 mıllıon dollar kóleminde belgilendi. Keıinnen Gledhılldiń aktermen buryn qarym-qatynasta bolǵan áıeldiń uly ekeni anyqtaldy.
Akterdiń tanymaldylyǵy
Djeıms Hendı 1980-1990 jyldardaǵy tanymal fılmder men serıaldardaǵy qosalqy rólderimen kórermenge jaqsy tanys. Ol shyǵarmashylyq jolynda ondaǵan kınotýyndy men telehıkaıaǵa túsken. Keń aýdıtorıa akterdi "K-9: It jumysy" jáne "Djýmandjı" fılmderi arqyly da biledi. Onyń sońǵy iri jumystarynyń biri "Top Gan: Meverık" blokbasteri boldy. Bul fılmde ol barmen Djımmı rólin somdaǵan.
-
Bloger Táýirjannyń anasy Lázzat Baıyrbekova ulynyń 84 mıllıon teńgege jýyq qaryzǵa batqanyn, onyń kesirinen eki páterin satqanyn aıtyp berdi.
-
A video showing Sultan Sarsemaliev pawning gold jewelry was presented in court during a high-profile murder case, sparking public interest.
