InfoHub Logo

Qazaqstanda áleýmettik jelilerde jańa trend paıda boldy: qoldanýshylar óz kartalaryna sımvolıkalyq somalar aýdarýdy suraıdy. Bul áreket salyq organdarynyń nazaryn aýdarýy múmkin.

Bul týraly Infohub.kz aqparat agenttigi habarlaıdy.

20 myń adamnan 100 teńge

Áleýmettik jelilerde «20 myń adamnan 100 teńge jınap, bastapqy jarnaǵa jetkizemin» degen mazmundaǵy posttar kóbeıip ketti. Avtorlar bul áreketti «ujymdyq aqyl» men «kishkentaı sandardyń sıqyryna» súıene otyryp, júzege asyrýda.

Alaıda, bul «kraýdfandıng oıynynyń» artynda zańdy jáne salyqtyq táýekelder bar. 2025 jyldan bastap Qazaqstanda mobıldi aýdarymdarǵa tolyq baqylaý engizildi, sondyqtan jeke kartaǵa kenetten kóp aýdarymdar jasalsa, nazardan tys qalmaıdy.

Salyq organdarynyń nazary

Negizgi suraq: qandaı kólemdegi aýdarymdar salyq organdarynyń nazaryn aýdarady? Salyq sarapshysy Aıdar Masatbaevtyń aıtýynsha, eger úsh aı ishinde 100-den astam adamnan 1 mıllıon teńgeden astam aqsha aýdarylsa, salyq organdary bul áreketti baqylaýǵa alady.

Podarok pa álde tabys pa?

Qazaqstan zańnamasy boıynsha, jeke tulǵalar bir-birine aqsha syılaýǵa quqyly. Biraq, bul árekettiń tabys emes ekenin dáleldeý qajet. Aıdar Masatbaevtyń aıtýynsha, salyq organdaryn sendirý úshin jarıalanymdardyń skrınshottaryn, kórilim statısıkasyn saqtaý qajet.

Kartanyń buǵattalý qaýpi

Salyq organdarynan bólek, banktiń qaýipsizdik qyzmeti de kúdikti áreketterdi baqylaýy múmkin. Kóptegen adamdardan usaq somalar kelip tússe, bul zańsyz áreket retinde qarastyrylyp, karta buǵattalýy múmkin.

Osylaısha, áleýmettik jeliler arqyly jeńil aqsha tabýǵa tyrysqan qazaqstandyqtar salyq organdarynyń túsiniktemelerinen bastap, shottardyń tolyq buǵattalýyna deıingi qaýipterdi eskerýi qajet.