Photo: Ayazhan (https://www.pexels.com/@ayazhan-3173683) / Pexels
«Alla berdi, ózi aldy»: Darıǵa Badyqovanyń burynǵy jary áriptesterine kóńil aıtty
Aktrısa Darıǵa Badyqovanyń burynǵy kúıeýi, akter Darhan Musaev áriptesteri Rústem Janyamanov pen Janargúl Quljanovaǵa kóńil aıtyp, áleýmettik jelide jazba jarıalady.
Buǵan deıin akterlerdiń tuńǵysh ulynyń qaıtys bolǵany týraly aqparat taraǵan edi. Darhan Musaev Instagram-paraqshasynda: «Tas túsken jerine aýyr tıedi… Rústem, Janargúl, qaıǵylaryńyzǵa ortaqpyn. Alla berdi, ózi aldy. Aıtý jeńil bolǵanymen, qabyldaý óte aýyr. Biraq Rabbymyzdyń jazýyna razy bolyp, sabyr etýden artyq shara joq», – dep jazdy.
Sondaı-aq ol marqum balapannyń jánnattan oryn tabýyn tilep, ata-anasyna sabyr surady.
«Alla Taǵala perishte balapannyń dárejesin joǵary etip, ony jánnattyń gúlderiniń birinen qylsyn. Artynda qalǵan ata-anasyna, baýyrlary men jaqyndaryna kórkem sabyr, júrekterine tynyshtyq pen jubanysh bersin. Qaıǵylaryńyzdy bólisip, duǵamyzdamyz», – dedi akter.
Aıta keteıik, sońǵy kúnderi óner adamdary men jeli qoldanýshylary Rústem Janyamanov pen Janargúl Quljanovanyń otbasyna kóńil aıtyp, qoldaý bildirýde.
-
Hundreds of Almaty residents have fallen victim to an online scam, losing significant sums for English courses that vanished after just one month.
-
Ánshi Aıdana Medenova Keshúdiń 20 jyldyq konsertinde kıgen kostúmi qolyn jyryp, sahnada tura almaı qalǵanyn aıtty.
