InfoHub Logo

Almaty mańyndaǵy jaınaǵan sary gúlder alqaby áleýmettik jelilerde qyzý talqylanyp, kópshiliktiń nazaryn aýdardy. Bul kóktemgi tabıǵat kórinisi tabıǵat áýesqoılary men fotograftardy ózine tartty.

Bul týraly Infohub.kz aqparat agenttigi habarlaıdy.

Almatylyq Nadejdanyń aıtýynsha, bul jer gúldeý maýsymynda jyl saıyn tanymaldylyqqa ıe bolady. Onyń sózine qaraǵanda, bul alqap qaladan shamamen bir jarym saǵattyq jerde, naqtyraq aıtsaq, Sharyn shatqalyna burylar tusta ornalasqan.

Gúlderdiń paıda bolý ýaqyty

«Eger 2024 jyly bul jer 16 sáýirde gúldese, ótken jyly 12-sinde, al bıyl áleýmettik jelide 4-i kúni-aq sýretter paıda bola bastady», - deıdi ol.

Saıahatshynyń aıtýynsha, bul jerge barýdy shatqalǵa barýmen ońaı ushtastyrýǵa bolady.

«Dalanyń ıisi tańǵajaıyp, tynysqa toltyryp, boıǵa sińirgiń keledi», - dep bólisti ol óz áserimen.

Keıbir týrıser bul jerdi Kókpek aýyly mańyndaǵy aýmaq retinde de kórsetedi.

Ne daıyndaý kerek?

Áleýmettik jelidegi jazbalardan keıin osy jerge attanǵan 33 jastaǵy saıahatshy Samǵar jolǵa aldyn ala daıyndalý kerektigin aıtty.

«Jolǵa shyǵar aldynda maǵan qalpaq pen kúnnen qorǵaıtyn krem qajet boldy», - dep keńes berdi ol.

Daladaǵy kóktemgi kúnniń áseri kúshti bolýy múmkin, sondyqtan týrıserge sý, yńǵaıly aıaq kıim alyp, telefondary men kameralaryn zarádtap alý usynylady. Samǵardyń ózi kelesi joly munda fotosessıaǵa kelýdi josparlap otyrǵanyn moıyndady.

«Ár maýsymnyń ózindik tamasha sáti bar, men bul sátti foto nemese vıdeoǵa túsirip, álemge kórsetkim keledi. Saıahattyń qıyndyqtary bar, biraq maǵan osylaı júrý unaıdy», - dedi ol.

Tanymaldylyqtyń ekinshi jaǵy

Týrıserdiń aıtýynsha, bul jer tez arada tanymaldylyqqa ıe bolýda. Nadejda ózi barǵanda adamdardyń uqypty bolǵanyn, sýretke túsip, ketip qalǵanyn atap ótti.

«Biraq men kólikterdiń jolmen emes, tikeleı dalamen jáne gúlderdiń ústimen júrip ótken beınelerdi kórdim», - dep qosty ol.

Samǵar da ózi barǵan kúni adamdardyń kóp bolǵanyn rastady.

«Adam kóp boldy. Polısıa qyzmetkerlerin baıqamadym», - dep naqtylady ol.

Saıahatshylar atap ótkendeı, týrıserdiń kóptep kelýi bul tabıǵı jerge úlken qaýip tóndirýi múmkin.

Buǵan deıin Orman sharýashylyǵy jáne janýarlar dúnıesi komıteti Shymkent mańyndaǵy tanymal jerde ósetin Qyzyl kitapqa engen qyzǵaldaqtardy julý nemese búldirý úshin 3000 AEK-ke deıingi (12 975 000 teńge) aıyppul nemese túzetý jumystary, bas bostandyǵyn shekteý nemese úsh jylǵa deıingi bas bostandyǵynan aıyrý jazasy qarastyrylǵanyn habarlaǵan bolatyn.