tengrinews.kz
Almaty oblysynda 34 jastaǵy Jandos Maneev aýyl ákimi bolyp saılandy
Almaty oblysyndaǵy Qonaev qalasynyń Shengeldi aýyldyq okrýginde jańa ákim saılandy. Daýys berý qorytyndysy boıynsha 34 jastaǵy Jandos Maneev jeńimpaz atandy.
Bul týraly Infohub.kz aqparat agenttigi habarlaıdy.
Saılaý nátıjeleri
Qonaev qalasy ákimdiginiń málimetinshe, Jandos Maneevke 2 523 adam daýys bergen. Ekinshi kandıdat Ertaı Qurmanalıev 402 daýys, Qanat Azamatov 380 daýys jınady. Al 188 saılaýshy barlyq kandıdatqa qarsy daýys bergen.
Aýyldyq okrýgte barlyǵy 5 371 saılaýshy tirkelgen. Daýys berýge 3 602 adam qatysty.
Jandos Maneevtiń ómirbaıany
Jandos Maneev 1992 jyly týǵan. Ol «Qarjy» jáne «Quqyqtaný» mamandyqtary boıynsha joǵary bilim alǵan. 2015 jyly Rysqulov atyndaǵy Jańa ekonomıkalyq ýnıversıtetin, 2018 jyly Óńirlik áleýmettik-ınnovasıalyq ýnıversıtetin bitirgen.
Eńbek jolyn jeke sektorda, «ALATRAK» JSHS-de logıstıka mamany bolyp bastaǵan. Keıinnen kompanıada basshylyq qyzmetter atqardy. Túrli jyldary «AJK» AQ ishki qaýipsizdik bóliminiń bas mamany, sondaı-aq AKS Service JSHS komersıalyq dırektory bolyp jumys istedi.
Ákim bolyp saılanǵanǵa deıin «Qonaev turǵyn úı» JSHS dırektory jáne Shengeldi aýyldyq okrýgi ákiminiń orynbasary qyzmetterin atqarǵan.
-
Sýprýga glavnogo redaktora KazTAG Amıra Kasenova vyrazıla obespokoennostvnezapnym ızmenenıem daty sýdebnogo zasedanıa, chto sozdaet sereznye trýdnostı dlá semı.
-
Jandos Maneev, 34, has been elected as the new mayor of the Shengeldy rural district in the city of Konaev, Almaty Region.
