InfoHub Logo

Almatyda 28 sáýirden bastap pılottyq rejımde alǵashqy «tómen shyǵaryndylar aımaǵy» (Low Emission Zone – LEZ) jumys isteı bastady. Bul joba qalaı jumys isteıtinin jáne shekteýler kimderge qatysty bolatynyn ákimdik túsindirdi.

Bul týraly Infohub.kz aqparat agenttigi habarlaıdy.

Ne boldy?

Qazaqstandaǵy alǵashqy ekoaımaq Bogenbaı batyr kóshesiniń ońtústiginen, Abaı dańǵylynyń soltústiginen, Jeltoqsan kóshesiniń shyǵysynan jáne Dostyq dańǵylynyń batysynan turatyn aýmaqty qamtydy. Júıeniń operatory bolyp «Almaty Parkıng» taǵaıyndaldy.

Qalalyq ekologıa jáne qorshaǵan ortany qorǵaý basqarmasynyń málimetinshe, joba ázirshe synaq rejıminde jumys istep tur.

«Júrgizýshiler úshin qozǵalysty shekteý, aıyppul nemese kirý aqysy qarastyrylmaǵan. Atalǵan ýchaskelerde qozǵalys shtattyq rejımde júzege asyrylady», – dep habarlady vedomstvo.

Júrgizýshilerdi ne kútip tur?

Basqarmanyń habarlaýynsha, pılottyq jobanyń basty maqsaty – derekter jınaý jáne sıfrlyq ınfraqurylymdy tekserý. Mamandar kólik qozǵalysynyń aýa sapasyna áserin naqty kórýi qajet.

Tehnıkalyq kezeń aıasynda kelesiler josparlanǵan:

«Bul avtokólik ıelerin shekteý týraly emes, biz tehnologıanyń ózin synap, dachıkterdiń aqparatty qanshalyqty durys jınaıtynyn, júıelerdiń qanshalyqty jyldam derek almasatynyn jáne ınfraqurylymnyń qanshalyqty daıyn ekenin teksergimiz keledi. Biz bolashaqta qalamyzdaǵy aýany naqty derekterge súıenip, tek boljamdarǵa emes, tazartatyn senimdi sıfrlyq irgetas qalap jatyrmyz», – dep túsindirdi basqarma.

Synaq merzimi 2026 jyldyń 31 jeltoqsanyna deıin jalǵasady.

Málimet: LEZ degenimiz ne jáne Almatyǵa ne úshin qajet?

2025 jylǵy 30 jeltoqsanda Almaty máslıhaty «Atmosferalyq aýany qorǵaý erejelerin» bekitti. Qujat tórt baǵytty qamtıdy:

Buǵan deıin Almaty qalasy ákiminiń orynbasary Almasqan Smatlaev ekologıalyq normalarǵa sáıkes keletin (Eýro-5 standartynan tómen emes) avtomobılder ǵana LEZ aımaqtarynda júre alatynyn málimdegen bolatyn. Ereje buzǵandar ákimshilik jaýapkershilikke tartylady.

Sonymen qatar, Smatlaev 2026 jyly Almatyǵa kirý aqyly bolmaıtynyna sendirdi. Bul normany engizý úshin Ekologıalyq kodekske ózgerister engizý qajet.

Jobanyń hronologıasy

2025 jyldyń tamyz aıynda Almaty máslıhaty «Qala aýmaǵynda atmosferalyq aýany qorǵaý salasyndaǵy arnaıy ekologıalyq talaptardy engizý týraly» sheshim jobasyn daıyndaǵany belgili boldy. Qujatqa sáıkes, tómen ekologıalyq klasty avtomobılderdiń kirýin shekteıtin erejelerdi engizý josparlanǵan.

Buǵan deıin ákimdik habarlaǵandaı, Eýro-5 standartynan tómen avtomobılder qala ortalyǵyna kirý úshin aqy tóleýi nemese qatty tuman kezinde múldem kirýine tyıym salynýy múmkin.

Keıinirek ákimdik bul jobanyń áleýmettik mańyzdylyǵyn túsinetinin jáne sondyqtan ony kezeń-kezeńimen engizetinin naqtylady. Basty másele – aqy alynbaıtyn uzaq pılottyq kezeńdi iske qosý.

Avtosarapshy Alekseı Alekseevtiń pikirinshe, bılik durys baǵyttan bastamaýda. Onyń oıynsha, aýanyń lastanýynyń negizgi sebepteri basqa faktorlarǵa baılanysty, al qala ortalyǵyna aqyly kirý ekologıalyq sheshimnen góri búdjetti toltyrýdyń bir joly bolady.

Buǵan deıin OKQ-da ótken brıfıńte qala ákimi Darhan Satybaldy jańa bastamalar qoǵamdyq kólik máselesi sheshilmeıinshe engizilmeıtinin atap ótken bolatyn.

Sondaı-aq oqyńyz: [Almatylyq júrgizýshilerdi aqyly kirý engizilgenge deıin ne kútip tur: ákimdiktiń túsindirmesi](https://tengrinews.kz/tengriauto/jdt-almatinskih-voditeley-vnedreniya-platnogo-vyezda-595201/)