InfoHub Logo

Almaty qalasynyń turǵyndary aǵylshyn tilin úırenýdi armandap, alaıaqtardyń qurbany boldy. Ózin aldanǵan sanaıtyndardyń sany 200 adamǵa jetti. Olar shetel tilin úıretýge arnalǵan onlaın mektepke aqsha tólegen. Alaıda, bir aı turaqty sabaqtan keıin kýrstar kenetten toqtatylyp, mektep basshylyǵy baılanysqa shyǵýdan qalǵan.

Bul týraly Infohub.kz aqparat agenttigi habarlaıdy.

Áleýmettik jelidegi jarnama aldady

Ata-analar onlaın kýrstar týraly áleýmettik jelidegi jarnamadan bilgen. Tanymal blogerler bul kýrstarǵa jazylýǵa keńes bergen. Adamdar bul usynysqa qyzyǵyp, alty aılyq oqý kýrsy úshin 400 myń teńgege deıin aqsha tólegen.

Qarjy polısıasy is qozǵady

Kóptegen jábirlenýshiler nesıe men bólip tóleý arqyly aqsha jınaǵanyn aıtady. Oqý ortalyǵynyń ókilderi múldem baılanysqa shyqpaǵan soń, almatylyqtar polısıaǵa aryz jazǵan. Qazirgi tańda bul is boıynsha QR Qylmystyq kodeksiniń 190-baby, 3-bóligi boıynsha «Alaıaqtyq» qylmystyq quqyq buzýshylyǵy belgileri boıynsha qylmystyq is qozǵaldy. Barlyq aryzdar qabyldandy jáne bul azamattar qylmystyq is boıynsha resmı túrde jábirlenýshi retinde tanyldy.