depositphotos.com
Almatyda 100-ge jýyq kóppáterli úı buzylady
Almatyda bıyl 95 kóppáterli úı buzylady. Bul sharalar turǵyn úıdi jańartý baǵdarlamasy aıasynda atqarylady. Baǵdarlama aıaqtalǵansha barlyǵy 1403 eski úıdi jermen-jeksen etý josparlanǵan. Ondaǵy 7500 páter ıesi basqa jerge kóshiriledi.
Bul týraly Infohub.kz aqparat agenttigi habarlaıdy.
Baǵdarlama ne úshin qajet?
Turǵyn úıdi jańartý baǵdarlamasy Almatynyń eski úılerin jańartý maqsatynda ázirlengen. Negizinen, bul karkas-qamys úılerdi buzyp, onyń ornyna zamanaýı kópqabatty úıler salýdy kózdeıdi. Baǵdarlamany ázirlegen – Almaty qalasynyń ákimdigi, ákimshisi – «SPK «Almaty» AQ, al jaýapty uıym – «Almaty Renovation» JSHS.
«Baǵdarlama halyqtyń ómir súrý sapasyn arttyrýǵa, qolaıly qalalyq orta qalyptastyrýǵa jáne qoǵamdyq keńistikterdi damytýǵa yqpal etedi. Sonymen qatar, qalanyń sáýlettik kelbeti jańarady, al turǵyndar qaýipsiz ári zamanaýı baspanaǵa ıe bolady», – dedi «Almaty Renovation» bas dırektory Erkebulan Ýsmanbaev.
Buzylatyn úılerdiń turǵyndary ne alady?
Turǵyn úıdi buzý tek 100 paıyz turǵyndardyń kelisimimen ǵana júzege asady. Bul memlekettik qajettilikke baılanysty buzý emes.
Eger kelisim alynsa, páter ıelerine «bólme úshin bólme» esebimen baspana berilýi tıis. Kóbinese bul jaǵdaıda adamdar alańy keńirek úıge ıe bolady, sebebi burynǵy qurylys normalary boıynsha bólmelerdiń ólshemi áldeqaıda kishi bolǵan.
Arnaıy qajettilikteri bar almatylyqtar baǵdarlama boıynsha birinshi qabattardaǵy lıfti men pandýstary bar úılerden baspana ala alady.
Jańa baspanalardyń barlyǵy taza árleýmen beriledi. Sonymen qatar, páterde santehnıka, gaz nemese elektr plıtalary ornatylyp, órt qaýipsizdik júıesi jumys isteýi tıis.
Eger qonys aýdarýshylarǵa usynylǵan nusqalar unamasa, olardyń úıleri naryqtyq baǵamen satyp alynady.
«Usynylǵan nusqalardan bas tartqan jaǵdaıda, menshik ıeleri eski úıde qalý quqyǵyn saqtaıdy, alaıda turýdyń yqtımal táýekelderi úshin ózderi jaýapty bolady», – delingen ákimdik baspasóz qyzmetiniń habarlamasynda.
Kimder kóshirildi?
Bıylǵy birinshi toqsanda 204 almatylyq kóshirildi. Kóshirilgenderdiń eń kóbi Túrksib aýdanynda – 126 adam, al eń azy Almaly aýdanynda – bir adam.
Renovasıa boıynsha statısıka:
-
Izvestnyı kazahstanskıı peves Meırambek Bespaev podarıl avtomobıl molodomý artısý Erkeshý Hasený v znak ývajenıa ı podderjkı.
-
Bolee 30 pedagogov Vostochnogo Kazahstana ýspeshno osporılı v sýde reshenıe komıssıı, ponızıvsheı ıh kvalıfıkasıonnye kategorıı.
